කෘත්රිම බුද්ධි (AI) තාක්ෂණය ලොව පුරා වේගයෙන් ව්යාප්ත වීමත් සමඟ එය ආශ්රිත සයිබර් ආරක්ෂක අභියෝග ද බරපතල ලෙස ඉහළ ගොස් තිබේ. කාස්පර්ස්කි (Kaspersky) ආයතනය විසින් නිකුත් කළ නවතම දත්ත වාර්තාවකට අනුව, 2026 වසරේ දෙවන කාර්තුවේදී AI සහ විශාල භාෂා ආකෘති (LLM) සේවාවල හඳුනාගත් ආරක්ෂක දුර්වලතා සංඛ්යාව 935ක් දක්වා වර්ධනය වී ඇත.
මෙය 2025 වසරේ අවසාන කාර්තුව හා සැසඳීමේදී දස ගුණයක ඉහළ යාමකි. විශේෂයෙන්ම පද්ධති වෙත අනවසරයෙන් ඇතුළු වීම, සත්යාපන ක්රියාවලීන්හි පවතින දෝෂ සහ ඉන්ජෙක්ෂන් (Injection) ප්රහාර ආශ්රිත දුර්වලතා මේ වන විට බහුලව වාර්තා වන බව එම වාර්තාව පෙන්වා දෙයි.
ආයතන තුළ AI තාක්ෂණය ස්වයංක්රීයකරණය සඳහා යොදා ගත්තද, ඒ සමඟම නිර්මාණය වන නව ආරක්ෂක අවදානම් පිළිබඳව විශේෂ අවධානයක් යොමු කළ යුතු බව ආරක්ෂක විශේෂඥයින් අවධාරණය කරයි. සාම්ප්රදායික මෘදුකාංග යාවත්කාලීන කිරීම්වලට පමණක් සීමා නොවී, තම යටිතල පහසුකම් සහ ප්රවේශ පාලන ක්රමවේද පිළිබඳ තත්ය කාලීන අධීක්ෂණයක් පවත්වා ගැනීම අත්යවශ්ය වේ.
මීට අමතරව, කුඩා හා මධ්ය පරිමාණ ව්යාපාර ඉලක්ක කරගත් සයිබර් ප්රහාර ද පසුගිය වසරට සාපේක්ෂව පස් ගුණයකින් ඉහළ ගොස් ඇත. ජනප්රිය AI සේවා ලෙස පෙනී සිටිමින් පරිගණක පද්ධතිවලට අනිෂ්ට මෘදුකාංග ඇතුළු කිරීමට උත්සාහ කළ ප්රහාර 33,300කට අධික සංඛ්යාවක් හඳුනාගෙන තිබීම මෙහි ඇති බරපතලකම මනාව පැහැදිලි කරයි.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර