ඇපල් සමාගමේ පළමු නැමිය හැකි ස්මාර්ට් ජංගම දුරකථනය වන ‘iPhone Fold’ හෝ ‘iPhone Ultra’ පිළිබඳව මේ වනවිට තාක්ෂණික ලෝකයේ දැඩි කතාබහක් නිර්මාණය වී තිබේ. මෙම උපාංගය සැප්තැම්බර් 9 වැනිදා පැවැත්වෙන විශේෂ උත්සවයකදී iPhone 18 Pro මාදිලි සමඟ එළිදැක්වීමට ඉඩ ඇති බව වාර්තා වේ.
මෙම නව දුරකථනයේ කැපී පෙනෙන වෙනසක් ලෙස Face ID පහසුකම ඉවත් කර ඒ වෙනුවට Touch ID තාක්ෂණය නැවත හඳුන්වා දීමට ඇපල් සමාගම සැලසුම් කර ඇති බව සඳහන් වේ. උපාංගයේ සිහින් නිමාව පවත්වා ගැනීම සඳහා මෙම පියවර ගෙන ඇති අතර, ඇඟිලි සලකුණු සංවේදකය දුරකථනයේ පැති බල බොත්තම (Power button) තුළ ඒකාබද්ධ කිරීමට ඉඩ ඇත.
වාර්තා වන පරිදි මෙම උපාංගය සම්පූර්ණයෙන් දිගහැරූ විට මිලිමීටර් 4.5ක පමණ ඝනකමකින් යුක්ත වනු ඇත. මෙහි අඟල් 5.5ක බාහිර තිරයක් සහ අඟල් 7.8ක අභ්යන්තර තිරයක් අන්තර්ගත වනු ඇතැයි අපේක්ෂා කෙරේ. තිරයේ නැමෙන ස්ථානයේ ඇතිවන රැලි (Crease) අවම කිරීම සඳහා Liquid-metal hinge තාක්ෂණය භාවිතා කිරීමට සමාගම අවධානය යොමු කර ඇත.
කැමරා පද්ධතිය සම්බන්ධයෙන්ද යම් වෙනස්කම් සිදුවිය හැකි බව වාර්තා වේ. සිහින් නිමාව ආරක්ෂා කර ගැනීම සඳහා ටෙලිෆොටෝ කැමරාවක් වෙනුවට මෙගාපික්සල් 48ක Wide සහ Ultra-wide කැමරා දෙකක් පමණක් ඇතුළත් විය හැකිය. එසේම, මෙම දුරකථනය eSIM-only උපාංගයක් ලෙස හඳුන්වා දීමට ඉඩ ඇති බවද වැඩිදුරටත් සඳහන් වේ.
කෙසේ වෙතත්, මෙම තොරතුරු තවමත් නිල වශයෙන් තහවුරු කර නොමැති අතර, විශ්ලේෂකයන් පවසන පරිදි මෙහි ආරම්භක මිල ඇමෙරිකානු ඩොලර් 2,000 ඉක්මවිය හැකි බව පැවසේ.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර