මහජන සෞඛ්ය ක්ෂේත්රයේ ශ්රී ලංකාව අත්කර ගෙන ඇති සුවිශේෂී ජයග්රහණ දෙකක් අගයමින් ලෝක සෞඛ්ය සංවිධානය විසින් විශේෂ නිල ඇගයීම් සහතිකයක් පිරිනමා ඇත. ටිමෝර්-ලෙස්තේ හි පැවැත්වෙන ලෝක සෞඛ්ය සංවිධානයේ දකුණු-නැගෙනහිර ආසියානු කලාපීය කමිටුවේ 79 වන සැසියේදී මෙම සම්මානය පිරිනැමිණි.
සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා වෙත මෙම සහතිකය භාරදෙනු ලැබුවේ ලෝක සෞඛ්ය සංවිධානයේ අධ්යක්ෂ ජනරාල් වෛද්ය ටෙඩ්රොස් අධානොම් ගෙබ්රියේසස් මහතා විසිනි.
මැලේරියාවෙන් තොර රටක් ලෙස වසර 10ක් අඛණ්ඩව එම තත්ත්වය පවත්වාගෙන යාම සහ මව්වරුන් හා අලුත උපන් බිළිඳුන්ගේ පිටගැස්ම සාර්ථකව තුරන් කර වසර 10ක් සපිරීම යන ජයග්රහණ වෙනුවෙන් මෙම ඇගයීම හිමිව තිබේ. 2016 වසරේදී මැලේරියාවෙන් තොර රටක් ලෙස සහතික කළ ශ්රී ලංකාව, එතැන් සිට එම රෝගය නැවත ව්යාප්ත වීම වළක්වා ගැනීමට සමත්ව ඇත.
ශ්රී ලංකාවේ ශක්තිමත් ප්රාථමික සෞඛ්ය සේවා පද්ධතිය, ඉහළ ප්රතිශක්තිකරණ වැඩසටහන් සහ කාර්යක්ෂම රෝග පාලන යාන්ත්රණය මෙම ජයග්රහණ සඳහා ප්රධාන හේතුව බව ලෝක සෞඛ්ය සංවිධානය පෙන්වා දෙයි. මෙම ජයග්රහණ ශ්රී ලාංකීය ජනතාවගේ ජීවිත සුරක්ෂිත කිරීම සහ සෞඛ්ය සම්පන්න අනාගතයක් උදෙසා ගත් වැදගත් පියවරක් බවද එම සංවිධානය වැඩිදුරටත් සඳහන් කරයි.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර