වයඹ කලාපයේ ගල්ගමුව ප්‍රදේශයේ සැරිසරන ‘කාවන්තිස්ස’ නමින් හඳුන්වන ඇතාගේ ඉදිරි දකුණු පාදයේ හටගෙන ඇති තුවාලය සඳහා අඛණ්ඩව ප්‍රතිකාර ලබාදීම සිදු කෙරේ. අද (26) උදෑසන තෙවැනි දිනටත් මෙම ප්‍රතිකාර කටයුතු සාර්ථකව සිදු කළ බව වනජීවී නිලධාරීන් පවසයි.
නිකවැරටිය පශු වෛද්‍ය ඒකකයේ පශු වෛද්‍ය ඉසුරු හේවකෝට්ටගේ මහතාගේ ප්‍රධානත්වයෙන් මෙම වෛද්‍ය කටයුතු මෙහෙයවනු ලබයි. සියඹලංගමුව වැව ආසන්නයේ පිහිටි වන ලැහැබකදී ඇතාට අවශ්‍ය ප්‍රතිජීවක ඖෂධ ලබාදීම සිදු කෙරිණි.
ගල්ගමුව සහ මීගලෑව වනජීවී කාර්යාලවල නිලධාරීන් මෙම ඇතාගේ සෞඛ්‍ය තත්ත්වය පිළිබඳව නිරන්තර අවධානයෙන් පසුවෙයි. ප්‍රතිකාර කටයුතු සිදු කෙරෙන අතරතුර ඇතාගේ ස්වාභාවික හැසිරීමට බාධා නොවන පරිදි කටයුතු කිරීම සඳහා මීගලෑව පොලිසියේ සහාය ද ලබාගෙන ඇත.
ප්‍රතිකාර කටයුතු අඛණ්ඩව සිදු කෙරෙන බැවින්, මෙම කාලසීමාව තුළ ඇතා නැරඹීමට හෝ ඡායාරූප ගැනීමට පැමිණීමෙන් වළකින ලෙස වනජීවී නිලධාරීන් මහජනතාවගෙන් කාරුණිකව ඉල්ලා සිටියි.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර