ප්‍රංශය පුරා පැතිර යන දැඩි ශිෂ්‍ය විරෝධතා හේතුවෙන් එරට උසස් පාසල් 500කට ආසන්න සංඛ්‍යාවක් වසා දැමීමට සිදුවනු ඇති බව ප්‍රංශ අධ්‍යාපන අමාත්‍ය එඩුවාඩ් ගෙෆ්රේ මහතා නිවේදනය කරයි. ආරක්ෂක තත්ත්වය පිළිබඳ පවතින අවදානම හේතුවෙන් මෙම පියවර ගෙන ඇත.
අධ්‍යාපන ක්ෂේත්‍රයේ පවතින ගුරු හිඟය, පන්ති කාමරවල අධික තදබදය සහ යටිතල පහසුකම්වල පවතින ගැටලු මුල් කරගනිමින් මෙම විරෝධතා ආරම්භ විය. පැරිස් නුවරින් ඇරඹි මෙම උද්ඝෝෂණ මේ වන විට මාර්සෙයි, නාන්ටෙස් සහ මොන්ට්පෙලියර් වැනි ප්‍රධාන නගර කිහිපයක් දක්වා ව්‍යාප්ත වී තිබේ.
ප්‍රංශ අධිකරණ අමාත්‍ය ජෙරල්ඩ් ඩාර්මනින් මහතා සඳහන් කළේ, මේ වන විට පාසල් 735කට පමණ විරෝධතාවල බලපෑම් එල්ල වී ඇති බවයි. විරෝධතා ආරම්භ වූ දා සිට පාසල් 24කට හානි සිදු කර හෝ ගිනි තබා ඇති බවද වාර්තා වේ.
අධ්‍යාපන අමාත්‍යවරයා වැඩිදුරටත් චෝදනා කළේ, මෙම විරෝධතා අතරට අන්ත වාමාංශික ක්‍රියාකාරීන් රිංගාගෙන ශිෂ්‍ය ව්‍යාපාරය ප්‍රචණ්ඩකාරී මාර්ගයකට යොමු කරමින් සිටින බවයි. කෙසේ වෙතත්, පන්ති කාමර කටයුතු අදියරෙන් අදියර යථා තත්ත්වයට පත් කිරීමට රජය කටයුතු කරමින් සිටින බව ඔහු වැඩිදුරටත් අවධාරණය කළේය.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර