ශ්‍රී ලංකාව සහ ඇමෙරිකා එක්සත් ජනපදය අතර ආයෝජක විශ්වාසය ගොඩනැගීම සහ දෙරටටම වාසිදායක ආර්ථික අවස්ථා නිර්මාණය කිරීම සඳහා ස්ථාවර ප්‍රතිපත්ති රාමුවක වැදගත්කම තානාපතිවරයා අවධාරණය කළේය. ලංකා වාණිජ මණ්ඩලය යටතේ ක්‍රියාත්මක ශ්‍රී ලංකා – ඇමෙරිකා එක්සත් ජනපද ව්‍යාපාරික කවුන්සිලයේ 10 වැනි වාර්ෂික මහා සභා රැස්වීමට එක්වෙමින් ඔහු මේ බව සඳහන් කළේය.
ආයෝජන ආකර්ෂණය කර ගැනීමේදී සාධාරණ තරගකාරිත්වය සහ බුද්ධිමය දේපළ අයිතිවාසිකම් සුරක්ෂිත කිරීම අතිශය තීරණාත්මක බව තානාපති එරික් මේයර් මහතා වැඩිදුරටත් පෙන්වා දුන්නේය. ද්විපාර්ශ්වික වෙළෙඳ සබඳතා පුළුල් කිරීම සඳහා කවුන්සිලය ලබා දෙන සහාය ද ඔහු මෙහිදී ඇගයීමට ලක් කළේය.
තාක්ෂණය, බලශක්තිය, යටිතල පහසුකම් සහ සැපයුම් දාම කළමනාකරණය වැනි ක්ෂේත්‍රවල වාණිජ සහයෝගීතාව වැඩි දියුණු කිරීමට විශාල අවස්ථාවන් පවතින බව තානාපතිවරයා පෙන්වා දුන්නේය. ඉදිරියේදී පැවැත්වෙන SelectUSA ආයෝජන සමුළුව හරහා නව අවස්ථා ගවේෂණය කිරීමට ශ්‍රී ලාංකික ව්‍යාපාරික ප්‍රජාව දිරිමත් කරන බව ද ඔහු පැවසීය.
මෙම අවස්ථාවට එක්වූ ශ්‍රී ලංකා – ඇමෙරිකා එක්සත් ජනපද ව්‍යාපාරික කවුන්සිලයේ සභාපති තිලක් ගුණවර්ධන මහතා සඳහන් කළේ, සිය ව්‍යාපාරික සැලසුම් සාර්ථක කර ගැනීමට පුරෝකථනය කළ හැකි වෙළෙඳ රාමුවක් අත්‍යවශ්‍ය බවයි. ඉදිරි වසර තුළ පුනර්ජනනීය බලශක්තිය, වරාය සහ අධ්‍යාපන ක්ෂේත්‍ර කෙරෙහි විශේෂ අවධානයක් යොමු කරමින් කටයුතු කරන බව ද ඔහු වැඩිදුරටත් සඳහන් කළේය.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර