ඇමරිකා එක්සත් ජනපදයේ පැවති මධ්‍ය වාර මැතිවරණයෙන් ඩිමොක්‍රටික් පක්ෂය ඓතිහාසික ජයග්‍රහණයක් වාර්තා කරමින් කොංග්‍රසයේ සහ සෙනෙට් මණ්ඩලයේ සම්පූර්ණ පාලනය සියතට ගැනීමට සමත්ව තිබේ. මෙම ප්‍රතිඵලය ජනාධිපති ඩොනල්ඩ් ට්‍රම්ප්ගේ පරිපාලනයට සහ රිපබ්ලිකන් පක්ෂයට එල්ල වූ දරුණුතම දේශපාලන පසුබෑම ලෙස විචාරකයෝ පෙන්වා දෙති.
පසුගිය වසර 50ක කාලසීමාව තුළ රිපබ්ලිකන් පක්ෂය මුහුණ දුන් දරුණුතම මැතිවරණ පරාජය මෙය බව වාර්තා වේ. මැතිවරණ ප්‍රතිඵල අනුව නියෝජිත මන්ත්‍රී මණ්ඩලයේ බහුතර බලය ඩිමොක්‍රටික් පක්ෂයට හිමිවී ඇති අතර, සෙනෙට් මණ්ඩලයේ බලය ද ඔවුන් සතුකර ගැනීමට සමත්ව ඇත.
ඉරානය සම්බන්ධයෙන් පවතින යුද වාතාවරණය සහ ඉන්ධන මිල ඉහළ යාම හේතුවෙන් ජනතාව තුළ ට්‍රම්ප් පරිපාලනය කෙරෙහි දැඩි කලකිරීමක් පැවති බව මැතිවරණ ප්‍රතිඵලවලින් පැහැදිලි වේ. විශේෂයෙන්ම මීට පෙර රිපබ්ලිකන් බලකොටු ලෙස සැලකුණු ප්‍රාන්ත ගණනාවකදී ඩිමොක්‍රටික් අපේක්ෂකයින් පෙරමුණ ගැනීම කැපී පෙනෙන සිදුවීමක් විය.
ජෝර්ජියා සහ උතුරු කැරොලිනා වැනි ප්‍රාන්තවල ලැබූ ජයග්‍රහණ ඩිමොක්‍රටික් පක්ෂයේ ජයග්‍රහණය තහවුරු කිරීමට ඉවහල් විය. දකුණු කැරොලිනා ප්‍රාන්තයේදී ඩිමොක්‍රටික් අපේක්ෂිකා ඇනී ඇන්ඩෲස් ලබාගත් ජයග්‍රහණය දේශපාලන විචාරකයින් මවිතයට පත් කළ සිදුවීමක් විය.
මැතිවරණ ප්‍රතිඵල සම්බන්ධයෙන් අදහස් දක්වමින් ජනාධිපති ට්‍රම්ප් ප්‍රකාශ කර ඇත්තේ තමන් මෙම ප්‍රතිඵල පිළිගන්නා බවත්, ඉදිරියේදී ඩිමොක්‍රටික් පක්ෂය සමඟ සහයෝගයෙන් කටයුතු කිරීමට අපේක්ෂා කරන බවත්ය. ලබන ජනවාරි මාසයේ සිට ඇමරිකානු කොංග්‍රසයේ පාලනය ඩිමොක්‍රටික් පක්ෂය විසින් මෙහෙයවනු ඇත.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර