මීගමුව බන්ධනාගාරය තුළ පසුගිය දිනවල ඇති වූ දරුණු ගැටුම්කාරී තත්ත්වයෙන් ජීවිතක්ෂයට පත් බන්ධනාගාර නිලධාරීන්ගේ දේහයන් කොළඹ වැලිකඩ බන්ධනාගාර පරිශ්රය වෙත අද (08) උදෑසන රැගෙන එනු ලැබීය. මෙම පිරිසට අවසන් ගෞරව දැක්වීම සඳහා අධිකරණ හා ජාතික ඒකාබද්ධතා අමාත්ය හර්ෂණ නානායක්කාර මහතා ද එක්ව සිටියේය.
දේහයන් වෙත ගෞරව දැක්වීමේදී දැඩි ලෙස සංවේගයට පත් වූ අමාත්යවරයා, මියගිය නිලධාරීන්ගේ සගයන් වැළඳ ගනිමින් හඬා වැලපෙන අයුරු දක්නට ලැබිණි. මෙම ඛේදනීය සිදුවීම සම්බන්ධයෙන් සාධාරණ පරීක්ෂණයක් සිදුකරන ලෙසත්, අදාළ සිදුවීමේදී කටයුතු කළ නිලධාරීන්ගේ ආරක්ෂාව තහවුරු කරන ලෙසත් එහි සිටි පිරිස් අමාත්යවරයාගෙන් ඉල්ලා සිටියහ.
මීගමුව බන්ධනාගාරය තුළ ඇති වූ මෙම ගැටුම්කාරී තත්ත්වය හේතුවෙන් බන්ධනාගාර නිලධාරීන් ඇතුළු 27 දෙනෙකු ජීවිතක්ෂයට පත්ව ඇති අතර, තවත් 100කට අධික පිරිසක් තුවාල ලබා රෝහල්ගත කර තිබේ. බන්ධනාගාර ඉතිහාසයේ වාර්තා වූ අතිශය ඛේදනීය සිදුවීමක් ලෙස මෙය සැලකේ.
අවසාන ගෞරව දැක්වීමෙන් අනතුරුව, මියගිය නිලධාරීන්ගේ දේහයන් ඔවුන්ගේ පවුල්වල ඥාතීන් වෙත භාරදීමට නියමිතව ඇත. සිද්ධිය සම්බන්ධයෙන් පුළුල් පරීක්ෂණයක් ක්රියාත්මක වන අතර, බන්ධනාගාර ආරක්ෂාව සම්බන්ධයෙන් ද විශේෂ අවධානයක් යොමුව තිබේ.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර