ආරක්ෂක අමාත්යාංශයේ අභ්යන්තර කටයුතු ඒකකය විසින් අමාත්යාංශ පරිශ්රයේදී සිය කාර්ය මණ්ඩලය වෙනුවෙන් විශේෂ දැනුවත් කිරීමේ වැඩසටහනක් සංවිධානය කරනු ලැබීය.
රාජ්ය සේවය තුළ විනිවිදභාවය, වගවීම සහ සදාචාරාත්මක හැසිරීම් ප්රවර්ධනය කිරීම මෙම වැඩසටහනේ ප්රධාන අරමුණ විය. පුරවැසි කේන්ද්රීය කාර්යක්ෂම සේවාවක් පවත්වාගෙන යාම සඳහා අත්යවශ්ය වන යහපාලන මූලධර්ම පිළිබඳව මෙහිදී කාර්ය මණ්ඩලය දැනුවත් කෙරිණි.
කැලණිය විශ්වවිද්යාලයේ මානව සම්පත් කළමනාකරණ අධ්යයනාංශයේ ජ්යෙෂ්ඨ කථිකාචාර්ය තරිඳු වීරසිංහ මහතා විසින් මෙම දේශනය පවත්වන ලදී. ආයතනික සංවර්ධනය සහ රාජ්ය අංශයේ කළමනාකරණය පිළිබඳ සිය විශේෂඥ දැනුම උපයෝගී කරගනිමින්, ආයතනික අඛණ්ඩතාව සහ විශිෂ්ටත්වය ගොඩනැගීම සම්බන්ධයෙන් ඔහු කරුණු පැහැදිලි කළේය.
මෙම අවස්ථාව සඳහා අතිරේක ලේකම් හර්ෂ විතානාරච්චි මහතා සහ අතිරේක ලේකම් (පාර්ලිමේන්තු කටයුතු හා ප්රතිපත්ති) මෙන්ම අභ්යන්තර කටයුතු ඒකකයේ ප්රධානී ප්රියංගනී හේවාරත්න මහත්මිය ඇතුළු අමාත්යාංශයේ ජ්යෙෂ්ඨ නිලධාරීන් පිරිසක් සහභාගී වූහ.
රාජ්ය සේවයේ ගුණාත්මකභාවය ඉහළ නැංවීමේ අඛණ්ඩ වැඩසටහන් මාලාවේ තවත් පියවරක් ලෙස මෙම වැඩසටහන ක්රියාත්මක කෙරිණි.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර