යාපනය, වසාවිලාන් ප්රදේශයේ පිහිටි යුද හමුදා රෝහල ඉවත් කිරීමට පියවර ගන්නා බව ඉලංකෙයි තමිල් අරසු කඩ්චි (ITAK) පක්ෂයේ ජ්යෙෂ්ඨ නායක එම්. ඒ. සුමන්තිරන් ප්රකාශ කර ඇත. වලිකාමම් උතුර ප්රාදේශීය සභාව හරහා මෙම කටයුතු සිදුකරන බව ඔහු අවධාරණය කර තිබේ.
අධි ආරක්ෂිත කලාපයක් ලෙස නම් කර ඇති මෙම භූමියේ පවතින රෝහල ඉවත් කිරීමට ප්රාදේශීය සභාවේ අවසරය නොමැති බවත්, එය අනවසර ඉදිකිරීමක් බවත් සුමන්තිරන් පෙන්වා දෙයි. කෙසේ වෙතත්, මෙම ඉදිකිරීම් 2013 වසරේ නිකුත් කළ ගැසට් පත්රයකින් ආවරණය වී ඇති බව යුද හමුදාව පවසයි.
උතුරු සහ නැගෙනහිර පළාත්වල දේශපාලන බලය අභියෝගයට ලක්ව ඇති පසුබිමක, හමුදාවට එරෙහිව මෙවැනි ක්රියාමාර්ග ගැනීම හරහා දේශපාලන වාසි ලබා ගැනීමට උත්සාහ කරන බවට විචාරකයෝ පෙන්වා දෙති. පසුගිය මැතිවරණවලදී ජාතික ජනබලවේගය උතුරේ ජයග්රහණය කිරීම මෙම පක්ෂවලට දැඩි බලපෑමක් වී ඇත.
මේ අතර, දෙමළ සහ මුස්ලිම් පක්ෂ හයකින් සමන්විත නව සන්ධානයක් පසුගියදා කොළඹදී ප්රකාශයට පත් කෙරිණි. නව ව්යවස්ථාවක් ස්ථාපිත කිරීම සහ ඉඩම් ගැටලු විසඳීම ඇතුළු ඉල්ලීම් කිහිපයක් මුල් කරගනිමින් මෙම සන්ධානය බිහිවී ඇති අතර, එය රජයට එරෙහි දේශපාලන පීඩනයක් නිර්මාණය කිරීමේ අරමුණින් ක්රියාත්මක වේ.
ජාතික ආරක්ෂාවට සම්බන්ධ මෙවැනි සංවේදී කරුණු පිළිබඳව පාර්ලිමේන්තුව නියෝජනය කරන ප්රධාන පක්ෂ නිසි අවධානයක් යොමු නොකිරීම රටේ අනාගතයට අභියෝගයක් බව දේශපාලන නිරීක්ෂකයින්ගේ අදහසයි.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර