හෝර්මුස් සමුද්ර සන්ධිය හරහා ගමන් කරමින් තිබූ අබුඩාබි ජාතික තෙල් සමාගමට (ADNOC) අයත් නෞකාවකට ඉරානය විසින් ප්රහාරයක් එල්ල කර ඇති බව එක්සත් අරාබි එමීර් රාජ්යය නිවේදනය කරයි. මෙම සිදුවීමත් සමඟ කලාපයේ නාවික ආරක්ෂාව සම්බන්ධයෙන් දැඩි අවධානයක් යොමු වී තිබේ.
ADNOC සමාගම තහවුරු කළේ, ප්රහාරයෙන් නෞකාවේ සිටි කිසිවෙකුටත් තුවාල සිදුවී නොමැති බවත්, මේ වන විට තත්ත්වය පාලනය කර ඇති බවත්ය. කෙසේ වෙතත්, සතියකටත් අඩු කාලයක් තුළ එම සමාගමේ නෞකා ඉලක්ක කර ගනිමින් සිදුවූ තුන්වන ප්රහාරය මෙය බව බලධාරීහු පෙන්වා දෙති.
සිද්ධිය සම්බන්ධයෙන් දැඩි විරෝධය පළ කරන එක්සත් අරාබි එමීර් රාජ්යයේ විදේශ අමාත්යාංශය, ටෙහෙරානයෙන් ඉල්ලා සිටින්නේ මෙවැනි ප්රකෝපකාරී ක්රියා වහාම නතර කරන ලෙසයි. හෝර්මුස් සමුද්ර සන්ධිය හරහා නාවික ගමනාගමනය සාමාන්ය පරිදි පවත්වාගෙන යාමට ඉඩ දිය යුතු බව ඔවුන් අවධාරණය කරයි.
එක්සත් අරාබි එමීර් රාජ්යයේ ජනාධිපතිවරයාගේ රාජ්ය තාන්ත්රික උපදේශක අන්වර් ගාර්ගාෂ් පවසා ඇත්තේ, තම රටේ ස්වෛරීභාවය සහ ජාතික අවශ්යතා ආරක්ෂා කිරීමට පියවර ගන්නා බවයි. ඒ අතරම, රාජ්ය තාන්ත්රික විසඳුම් සඳහා ප්රමුඛත්වය ලබා දෙමින් සංවාදයේ මාවත විවෘතව තබා ගන්නා බව ද ඔහු සඳහන් කර ඇත.
ලෝක බලශක්ති සැපයුම සඳහා අතිශය තීරණාත්මක හෝර්මුස් සමුද්ර සන්ධියේ පවතින මෙම නොසන්සුන්කාරී තත්ත්වය හේතුවෙන් ගෝලීය වෙළඳපොළට බලපෑම් එල්ල විය හැකි බව විචාරකයෝ පවසති. ඉරානය හෝ එරට විප්ලවවාදී ආරක්ෂක බලකාය මේ දක්වා මෙම චෝදනා සම්බන්ධයෙන් නිල ප්රතිචාරයක් දක්වා නොමැත.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර