ප්රවීණ සංගීතවේදිනී විශාරද නන්දා මාලනී මහත්මියගේ අභාවය වෙනුවෙන් අග්රාමාත්ය ආචාර්ය හරිනි අමරසූරිය මහත්මිය අද (21) පාර්ලිමේන්තුවේදී විශේෂ ශෝක පණිවුඩයක් ඉදිරිපත් කළාය. පාර්ලිමේන්තුවේ දෛනික කටයුතු ආරම්භ කිරීමට පෙර අග්රාමාත්යවරිය මෙම ගෞරවාන්විත ප්රකාශය සිදු කළේය.
එහිදී අදහස් දැක්වූ අග්රාමාත්යවරිය, නන්දා මාලනී මහත්මිය යනු ශ්රී ලාංකේය සංගීත ක්ෂේත්රයේ ස්වර්ණමය හඬ බවත්, දශක අටකට ආසන්න කාලයක් සිය අද්විතීය ගායන පෞරුෂයෙන් මෙරට සංස්කෘතිය පෝෂණය කළ බවත් සිහිපත් කළාය. ඇයගේ ගීත හුදෙක් රසවින්දනයට පමණක් සීමා නොවී, පරම්පරා ගණනාවක ජීවිත අත්දැකීම් සමඟ බැඳී පැවති බව අගමැතිනිය වැඩිදුරටත් සඳහන් කළාය.
කලාකාරිනියක ලෙස නන්දා මාලනී මහත්මිය සමාජ අසාධාරණයට එරෙහිව සහ මානව හිමිකම් වෙනුවෙන් නොබියව පෙනී සිටි ආකාරය අග්රාමාත්යවරිය මෙහිදී සිහිපත් කළාය. ‘පවන’ සහ ‘සත්යයේ ගීතය’ වැනි නිර්මාණ ඔස්සේ ඇය සමාජය තුළ යහපත් වෙනසක් වෙනුවෙන් දැක්වූ දායකත්වය අගය කළ අගමැතිනිය, ඇයගේ වියෝව සමස්ත කලා ක්ෂේත්රයටම පියවිය නොහැකි පාඩුවක් බව අවධාරණය කළාය.
තම පෞද්ගලික මතකයන් ද සිහිපත් කළ අග්රාමාත්යවරිය, එතුමියගේ ගීත හඬ අනාගත පරපුරට ද ආදර්ශයක් වනු ඇති බවත්, ඇයට අජරාමර නිවන් සුව ප්රාර්ථනා කරන බවත් සඳහන් කළාය. නන්දා මාලනී මහත්මියගේ පවුලේ සාමාජිකයන් සහ ඇයගේ ගීතයට ආදරය කළ සමස්ත ජනතාව වෙත සිය බලවත් සංවේගය පළ කරන බව ද ඇය වැඩිදුරටත් ප්රකාශ කළාය.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර