වාද්දුව, තල්පිටිය ප්රදේශයේ පිහිටි “ද බ්ලූ වෝටර්ස් හොටේල් ඇන්ඩ් ස්පා” හෝටලයට අයත් ඉඩමකදී සුනඛයින් සිව්දෙනෙකු මියයාමේ සිද්ධියක් සම්බන්ධයෙන් වාද්දුව පොලිසිය විශේෂ විමර්ශනයක් ආරම්භ කර ඇත. සත්ව සුබසාධන සංගමයක් විසින් කරන ලද පැමිණිල්ලකට අනුව මෙම පරීක්ෂණ සිදු කෙරේ.
ප්රදේශවාසීන් චෝදනා කරන්නේ හෝටල් ඉඩම අවට ගැවසෙන සතුන් පලවා හැරීම සඳහා අනවසරයෙන් විදුලි රැහැන් ඇද තිබූ බවයි. මෙම විදුලි සැර වැදීමෙන් සුනඛයින් මියගොස් ඇති අතර, එම සිරුරු ඉවත් කිරීමට ගිය පුද්ගලයෙකුට ද විදුලි සැර වැදී ඇති බව වාර්තා වේ.
සිද්ධිය සම්බන්ධයෙන් අදහස් දක්වමින් හෝටල් කළමනාකාරිත්වය පවසන්නේ, මියගිය සුනඛයින් සොයාගෙන ඇත්තේ හෝටල් පරිශ්රයෙන් පිටත සීමා තාප්පයට ඔබ්බෙන් බවයි. මෙම මරණවලට හෝටල් සේවකයින්ගේ කිසිදු සම්බන්ධයක් නොමැති බවත්, විමර්ශන සඳහා පූර්ණ සහයෝගය ලබා දෙන බවත් ඔවුන් නිකුත් කළ නිවේදනයක සඳහන් වේ.
මේ සම්බන්ධයෙන් පොලිස් පරීක්ෂණවලට අමතරව වාද්දුව සෞඛ්ය වෛද්ය නිලධාරී කාර්යාලයේ මහජන සෞඛ්ය පරීක්ෂකවරුන් සහ පශු වෛද්ය අංශය එක්ව විශේෂ පරීක්ෂණයක් ආරම්භ කර ඇත.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර