පිටකොටුව බස් නැවතුම්පොළ පැය 24 පුරාම සීසීටීවී කැමරා නිරීක්ෂණය යටතේ

ප්‍රතිසංස්කරණ කටයුතු නිම කිරීමෙන් පසු පිටකොටුව බස් නැවතුම්පොළේ ආරක්ෂාව ඉහළ නැංවීමට පියවර ගෙන ඇත. ඒ අනුව, මේ වන විට බස් නැවතුම්පොළ පරිශ්‍රය පැය 24 පුරාම සීසීටීවී කැමරා පද්ධතියක් මගින් නිරීක්ෂණය කෙරේ.

මෙම නවීන තාක්ෂණික ක්‍රමවේදය හේතුවෙන් බස් නැවතුම්පොළ මගී ජනතාවට වඩාත් ආරක්ෂිත ස්ථානයක් බවට පත්ව ඇති බව එහි කළමනාකාරිත්වය පවසයි.

මෑතකදී බස් නැවතුම්පොළේදී මගියෙකුගේ ගමන් මල්ලක් සොරා ගත් පුද්ගලයෙකු ඉතා කෙටි කාලයක් තුළ අත්අඩංගුවට ගැනීමට මෙම සීසීටීවී කැමරා දර්ශන බෙහෙවින් උපකාරී වූ බවද කළමනාකාරිත්වය වැඩිදුරටත් සඳහන් කරයි.