සංචාරක ක්ෂේත්රයේ ගෝලීය පිළිගැනීමක් ලබා ගනිමින්, 2026 වසරේ ලොව විශිෂ්ටතම දූපත් ගමනාන්තය ලෙස ශ්රී ලංකාව නම් කර ඇත. ‘Big 7 Travel’ ආයතනය විසින් වාර්ෂිකව සිදුකරන ශ්රේණිගත කිරීම්වල හත්වන සංස්කරණයට අනුව මෙම ජයග්රහණය හිමිව තිබේ.
මෙම තීරණය සඳහා සමාජ මාධ්ය ජනප්රියත්වය, සංචාරක ප්රවණතා, සංස්කෘතික වටිනාකම් සහ මාධ්ය ආවරණය වැනි සාධක රැසක් පදනම් කරගෙන ඇත. ප්රංශ පොලිනීසියාව, යේමනය සහ පෘතුගාලය වැනි ජාත්යන්තරයේ ප්රසිද්ධ දූපත් පවා අභිබවා යමින් ශ්රී ලංකාව මෙම ස්ථානයට පත්වීම විශේෂත්වයකි.
ශ්රී ලංකාවේ ඇති සැතපුම් 833ක් දිගු වෙරළ තීරය, මධ්යම කඳුකරයේ සුන්දරත්වය සහ තේ වතු ආශ්රිත පරිසරය සංචාරකයින් ආකර්ෂණය කර ගැනීමට ප්රධාන හේතු වී තිබේ. මීට අමතරව, යාල ජාතික වනෝද්යානය සහ සීගිරිය වැනි ලෝක උරුම ස්ථාන රටේ සංචාරක ආකර්ෂණය තවදුරටත් ඉහළ නංවා ඇත.
ස්වභාවික සෞන්දර්යය, වනජීවී විවිධත්වය සහ පොහොසත් ඉතිහාසය නිසා ශ්රී ලංකාව අනෙකුත් ගමනාන්තයන්ට වඩා ඉදිරියෙන් සිටින බව ‘Big 7 Travel’ ආයතනය පෙන්වා දෙයි. මෙම ජයග්රහණය මගින් ශ්රී ලංකාව ලොව ප්රමුඛතම සංචාරක කේන්ද්රස්ථානයක් බව යළිත් වරක් තහවුරු වී තිබේ.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර