ශ්රී ලංකාවේ ගුවන් විදුලි ඉතිහාසය තුළ අගනුවර කේන්ද්ර කරගත් මාධ්ය සංස්කෘතිය වෙනස් කරමින්, 1979 අප්රේල් 12 වැනි දින රජරට සේවය ස්ථාපිත කෙරිණි. මෙය හුදෙක් තවත් එක් මාධ්ය ආයතනයක් පමණක් නොව, රජරට වෙසෙන ලක්ෂ සංඛ්යාත ගැමි ජනතාවගේ ජීවන රටාව, දුක සැප සහ අභිලාෂයන් නියෝජනය කළ ප්රබල හඬක් බවට පත්විය.
කෘෂිකාර්මික සංනිවේදනය සහ සමාජ සංවර්ධනය මුඛ්ය අරමුණු කරගනිමින් ආරම්භ වූ මෙම සේවාව, ප්රදේශයේ ජනතාවගේ ආකල්පමය වෙනසක් ඇති කිරීමෙහිලා පුරෝගාමී විය. යටත් විජිත මානසිකත්වයෙන් මිදී, ගොවි ජනතාවගේ ගැටලු සහ ඔවුන්ගේ නිර්මාණාත්මක ශක්යතා ඉස්මතු කිරීමට රජරට සේවය ලබා දුන් දායකත්වය අතිමහත්ය.
සිරිල් රාජපක්ෂ මහතාගේ ප්රථම අධ්යක්ෂණය යටතේ ආරම්භ වූ මෙම ගුවන් විදුලි සේවාව සඳහා ස්වර්ණ ශ්රී බණ්ඩාර, ප්රේමකීර්ති ද අල්විස්, විජයානන්ද ජයවීර ඇතුළු ප්රවීණ මාධ්යවේදීන් රැසක් සිය දායකත්වය ලබා දුන්හ. පසුකාලීනව ද විවිධ මාධ්යවේදීන්ගේ දායකත්වයෙන් මෙම සේවාව තවදුරටත් ශක්තිමත් විය.
රජරට සේවය මගින් ශ්රාවකයා තුළ යහපත් ආකල්ප වර්ධනය කිරීම, රසවින්දනය දියුණු කිරීම සහ සංස්කෘතික පුනර්ජීවනයක් ඇති කිරීම යන අරමුණු සාක්ෂාත් කරගැනීමට හැකි විය. අදටත් රජරට ජනතාවගේ හදගැස්ම සමඟ බැඳුණු මෙම ගුවන් විදුලි සේවාව, දේශීය මාධ්ය ඉතිහාසයේ සුවිශේෂී සන්ධිස්ථානයක් ලෙස සැලකේ.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර