යේමනයේ හූති කැරලිකරුවන් විසින් සෞදි අරාබියේ අබා ජාත්යන්තර ගුවන් තොටුපළ ඉලක්ක කර ගනිමින් මිසයිල ප්රහාරයක් එල්ල කර ඇති බව වාර්තා වේ. මෙම ප්රහාරයත් සමඟ වසර හතරක් පුරා පැවති අවිධිමත් සටන් විරාමය බිඳ වැටී ඇති බව ජාත්යන්තර මාධ්ය පෙන්වා දෙයි.
සෞදි අරාබියේ දකුණු කලාපය දෙසට එල්ල වූ මෙම මිසයිල ප්රහාරය සාර්ථකව වළක්වා ගැනීමට සෞදි හමුදා සන්ධානය සමත් වී ඇත. කෙසේ වෙතත්, මෙම සිදුවීමත් සමඟ කලාපීය වශයෙන් යළිත් ගැටුම් උත්සන්න වීමේ බරපතළ අවදානමක් මතුව තිබේ.
හූති හමුදා ප්රකාශක යායා සාරි සඳහන් කර ඇත්තේ, අබා ගුවන් තොටුපළ ඉලක්ක කර මෙම ප්රහාරය දියත් කළ බවයි. 2022 වසරේදී සෞදි බලශක්ති යටිතල පහසුකම් ඉලක්ක කර එල්ල වූ ප්රහාරවලින් පසු සෞදි දේශසීමාවට එල්ල වූ ප්රබලතම ප්රහාරය මෙය ලෙස සැලකේ.
මෙම තත්ත්වය පිළිබඳව එක්සත් ජාතීන්ගේ ආරක්ෂක මණ්ඩලය සිය දැඩි කනස්සල්ල පළ කර ඇත. යේමනය සහ පුළුල් කලාපයට තවත් යුද ගැටුම් දරාගත නොහැකි බවත්, සියලු පාර්ශ්වයන් වහාම සාකච්ඡා සඳහා මැදිහත් විය යුතු බවත් එක්සත් ජාතීන්ගේ දේශපාලන කටයුතු පිළිබඳ සහකාර මහලේකම්වරයා අවධාරණය කර තිබේ.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර