ශ්රී ලංකා මැණික් හා ස්වර්ණාභරණ සංගමය විසින් වාර්ෂිකව සංවිධානය කරනු ලබන 34 වැනි ‘FACETS SRI LANKA 2027’ ජාත්යන්තර මැණික් හා ස්වර්ණාභරණ ප්රදර්ශනය 2027 ජනවාරි මස 04 වැනිදා සිට 06 වැනිදා දක්වා කොළඹ ‘Cinnamon Life at City of Dreams’ පරිශ්රයේදී පැවැත්වේ.
මෙරට ප්රමුඛ පෙළේ මැණික් හා ස්වර්ණාභරණ නිෂ්පාදකයින් සහ අලෙවිකරුවන් සියයකට අධික පිරිසක් මෙම ප්රදර්ශනයට එක්වීමට නියමිතය. ලොව පුරා විසිරී සිටින ගැනුම්කරුවන් ආකර්ෂණය කර ගනිමින් ශ්රී ලාංකීය මැණික්වල ගුණාත්මකභාවය සහ දේශීය ශිල්පීන්ගේ නිර්මාණාත්මක දක්ෂතාවය ලොවට විදහා දැක්වීම මෙම ප්රදර්ශනයේ අරමුණයි.
මෙම ප්රදර්ශනයට සමගාමීව ‘Sapphire Night’, ‘Story Corner’ සහ ‘Power Breakfast’ වැනි විශේෂ වැඩසටහන් මෙන්ම මැණික් පතල් සහ වරාය නගරය නැරඹීමේ සංචාර ද සංවිධානය කර ඇත. ක්ෂේත්රයේ ප්රවීණයින්ට සහ ව්යවසායකයින්ට නව ව්යාපාරික සබඳතා ගොඩනඟා ගැනීමට මෙය කදිම අවස්ථාවක් වනු ඇත.
ශ්රී ලංකා අපනයන සංවර්ධන මණ්ඩලය (EDB) සහ ජාතික මැණික් හා ස්වර්ණාභරණ අධිකාරිය (NGJA) මෙම ප්රදර්ශනය සාර්ථක කර ගැනීම සඳහා පූර්ණ සහයෝගය ලබා දෙයි. ශ්රී ලංකාව ගෝලීය මැණික් වෙළඳාමේ විශ්වාසවන්ත ගමනාන්තයක් බව තහවුරු කිරීම මෙම ප්රදර්ශනය හරහා අපේක්ෂා කෙරේ.
සංගමය විසින් ඉදිරි වසර කිහිපය සඳහා ද ප්රදර්ශන දින වකවානු මේ වන විටත් නිවේදනය කර ඇති අතර, ඒ අනුව 2028 සිට 2030 දක්වා කාලය තුළ ද මෙම ප්රදර්ශනය ජනවාරි මාසයේදී පැවැත්වීමට සැලසුම් කර ඇත.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර