ලොව පුරා රසිකයින් බොහෝ කාලයක් පුරාවට බලා සිටි සුපිරි ගායිකා රිහානාගේ නව සංගීත ඇල්බමය පිළිබඳ බලාපොරොත්තු යළිත් දල්වමින් ඇගේ සහකරු වන රැප් ගායක A$AP Rocky විසින් අලුත්ම ඉඟියක් ලබා දී තිබේ.
මෑතකදී පැවති පොඩ්කාස්ට් වැඩසටහනකට එක්වෙමින් ඔහු සඳහන් කළේ රිහානා මේ වන විටත් චිත්රාගාරයේ නව නිර්මාණ කටයුතුවල නිරතව සිටින බවයි. ඇය මේ වන විටත් නව සංගීතය වෙනුවෙන් වෙහෙසෙන බව ඔහු තහවුරු කළේය.
2016 වසරේ නිකුත් කළ ‘Anti’ ඇල්බමයෙන් පසුව රිහානා පූර්ණ ඇල්බමයක් නිකුත් කර නොමැති අතර, ඇයගේ රසිකයින් දිගු කලක් තිස්සේ නව නිර්මාණයක් බලාපොරොත්තුවෙන් පසුවෙයි. කෙසේ වෙතත්, තමන් සහ රිහානා එක්ව ද්විත්ව ඇල්බමයක් නිර්මාණය කරන බවට පැතිර යන කටකතා ඔහු මෙහිදී ප්රතික්ෂේප කළේය.
තම ප්රකාශය නිසා රිහානාගෙන් ගැටලු ඇතිවිය හැකි බව විහිළුවෙන් පවසමින් ඔහු වැඩිදුරටත් කියා සිටියේ ඇය ඉතා ඉක්මනින් නව නිර්මාණයක් රසිකයින් වෙත ගෙන ඒමට සූදානම් වන බවයි. රිහානා මීට පෙර පවසා තිබුණේ තමන් මධ්යස්ථ නිර්මාණයක් ඉදිරිපත් කිරීමට අකමැති බවත්, ඒ නිසාම නව ඇල්බමය වෙනුවෙන් වැඩි කාලයක් ගතවන බවත්ය.
සංගීත ක්ෂේත්රයට අමතරව රූපලාවන්ය ව්යාපාර ක්ෂේත්රයේද දැවැන්ත සාර්ථකත්වයක් ලබා සිටින රිහානා, සිය නවතම සංගීත ව්යාපෘතිය හරහා යළිත් ලොව පුරා රසිකයින් ආකර්ෂණය කරගනු ඇතැයි බොහෝ දෙනා විශ්වාස කරති.
