ඇමරිකානු ජනාධිපති ඩොනල්ඩ් ට්රම්ප්ගේ දෙවන ධුර කාලයේ ධවල මන්දිර මාධ්ය ලේකම්වරිය ලෙස කටයුතු කළ කැරොලයින් ලෙවිට් මෙම මස අවසානයේදී සිය ධුරයෙන් ඉවත් වන බව ජනාධිපතිවරයා විසින් තහවුරු කර ඇත. 28 හැවිරිදි වියේ පසුවන ලෙවිට්, ට්රම්ප් පරිපාලනයේ ආරම්භයේ සිටම මාධ්ය සම්බන්ධීකරණ කටයුතු වෙනුවෙන් කැපී පෙනෙන කාර්යභාරයක් ඉටු කළාය.
ඇය සිය පවුලේ සාමාජිකයන් සහ දරුවන් සමඟ වැඩි කාලයක් ගත කිරීමේ අරමුණින් මෙම තීරණය ගෙන ඇති බව ජනාධිපති ට්රම්ප් සිය ‘ටෘත් සෝෂල්’ (Truth Social) ගිණුම හරහා ප්රකාශ කර තිබේ. ඇයගේ සේවය අගය කරමින් ට්රම්ප් සඳහන් කළේ, ඉදිරියේදී ඇය ජනාධිපතිවරයාගේ බාහිර උපදේශකවරියක ලෙස රිපබ්ලිකන් පක්ෂයේ දේශපාලන කටයුතු සඳහා සිය දායකත්වය ලබා දෙනු ඇති බවයි.
මාධ්ය හමුවලදී මාධ්යවේදීන් සමඟ දැඩි හා ගැටුම්කාරී ස්වරූපයකින් කටයුතු කිරීම ලෙවිට්ගේ සන්නිවේදන විලාසයේ විශේෂත්වයක් විය. එසේ වුවද, ජනාධිපතිවරයා ඇයව තමාගේ විශ්වාසවන්ත සහායිකාවක් ලෙස නිරන්තරයෙන් හඳුන්වා දී ඇත.
මීට පෙර සහකාර මාධ්ය ලේකම්වරියක සහ කථිකාචාරිනියක ලෙස සේවය කර ඇති ඇය, කොන්ග්රස් මන්ත්රී එලිස් ස්ටෙෆනික් යටතේ සන්නිවේදන අධ්යක්ෂවරියක ලෙසද කටයුතු කර තිබේ. 2026 මධ්ය කාලීන මැතිවරණය ඉලක්ක කර ගනිමින් ට්රම්ප් පරිපාලනය දේශපාලනිකව තීරණාත්මක කාලවකවානුවකට පිවිසෙමින් සිටින මොහොතක මෙම ඉල්ලා අස්වීම සිදුවීම විශේෂත්වයකි.
