යුරෝපා සංගමය විසින් සංවර්ධනය වෙමින් පවතින රටවල් වෙත ලබාදෙන GSP+ විශේෂ වෙළඳ වරප්රසාදය යටතේ 2024 වසරේදී පමණක් ශ්රී ලංකාවට යුරෝ මිලියන 139ක ආනයන බදු සහනයක් හිමිවී ඇති බව නවතම ඇගයීම් වාර්තාවකින් අනාවරණය වී තිබේ. මෙම සහනය හරහා මෙරට ඇඟලුම්, රබර් සහ සකස් කළ ආහාර පාන ඇතුළු අපනයන ක්ෂේත්ර රැසකට විශාල වාසියක් අත්වී ඇත.
කෙසේ වෙතත්, 2027 වසරේ සිට ක්රියාත්මක වන සංශෝධිත කොන්දේසි අනුව මෙම වරප්රසාදය අඛණ්ඩව ලබා ගැනීමට නම් ශ්රී ලංකාව තීරණාත්මක ප්රතිසංස්කරණ කිහිපයක් සිදුකළ යුතු බව යුරෝපා කොමිසම අවධාරණය කරයි. විශේෂයෙන්ම ත්රස්තවාදය වැළැක්වීමේ පනත අහෝසි කිරීම සහ මාර්ගගත ක්රමවල සුරක්ෂිතතා පනත සංශෝධනය කිරීමේ අවශ්යතාව ඔවුන් පෙන්වා දෙයි.
මීට අමතරව, මරණ දඬුවම වහාම අත්හිටුවීම සහ ආගමික, වාර්ගික මෙන්ම ලිංගික සුළුතරයන් සඳහා සඵලදායී නීතිමය ආරක්ෂාවක් ලබාදීමේ වැදගත්කම ද එම වාර්තාව මගින් පෙන්වා දී ඇත. දෙපාර්ශ්වයේ කැමැත්තෙන් සිදුවන සමලිංගික සබඳතා අපරාධමය නොවන බවට පත්කිරීමේ නීති නොමැතිකම ද මේ සඳහා බාධාවක් ලෙස හඳුනාගෙන තිබේ.
2024 වසරේදී යුරෝපා සංගමය වෙත ශ්රී ලංකාව සිදුකළ අපනයනවලින් GSP+ සහනය භාවිත කර ඇත්තේ 68.9%ක් පමණක් බව ද වාර්තා වේ. එම නිසා මෙම සහනය තවදුරටත් උපරිම ලෙස ප්රයෝජනයට ගැනීමට ශ්රී ලංකාවට හැකියාව පවතින බව ද එම වාර්තාවේ සඳහන් වේ.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර