රුසියාව සහ යුක්රේනය අතර පවතින යුද ගැටුම්කාරී වාතාවරණය මධ්යයේ, ලොව පුරා අතිශය ජනප්රියත්වයට පත් ‘මාෂා ඇන්ඩ් ද බෙයාර්’ (Masha and the Bear) ළමා කාටූන් මාලාව සම්බන්ධයෙන් යුක්රේනය දැඩි තීරණයක් ගෙන ඇත. මෙම කාටූන් මාලාව ජාතික ආරක්ෂාවට තර්ජනයක් බව පවසමින් එය විකාශනය කිරීම සහ බෙදාහැරීම තහනම් කිරීමට යුක්රේන රජය පියවර ගෙන තිබේ.
යුක්රේන සංස්කෘතික අමාත්ය ටෙටියානා බෙරෙෂ්නා ප්රකාශ කර ඇත්තේ, මෙම සජීවිකරණ මාලාව හරහා සියුම් ආකාරයෙන් රුසියානු හිතවාදී මතවාද සහ සෝවියට් යුගයේ සංකේත දරුවන් අතර ප්රචාරය කෙරෙන බවයි. රුසියානු ප්රචාරණයන් සඳහා දරුවන් ඉලක්ක කරගත් මාධ්ය තුළ කිසිදු ඉඩක් නොතැබිය යුතු බව ඇය අවධාරණය කරයි.
මෙම තහනම ක්රියාත්මක කිරීම සඳහා යුක්රේන ජනාධිපති වොලොඩිමියර් සෙලෙන්ස්කි විසින් අදාළ නිෂ්පාදන සමාගම් සහ බෙදාහරින්නන්ට එරෙහිව ආර්ථික සම්බාධක පැනවීමේ නියෝගවලට අත්සන් තබා ඇත. එසේම, යූටියුබ් ඇතුළු ජාත්යන්තර ඩිජිටල් වේදිකා හරහා මෙම කාටූනයෙන් ලැබෙන ආදායම් සීමා කිරීමට ද යුක්රේන බලධාරීන් කටයුතු කරමින් සිටී.
කෙසේ වෙතත්, කාටූන් මාලාව නිෂ්පාදනය කරන සමාගම මෙම චෝදනා තරයේ ප්රතික්ෂේප කර තිබේ. තම ආයතනය රුසියානු රජයෙන් අරමුදල් නොලබන ස්වාධීන කලා ආයතනයක් බව ඔවුන් පවසයි. මේ අතර, ක්රෙම්ලිනයේ ප්රකාශක දිමිත්රි පෙස්කොව් මෙම තහනම උපහාසයට ලක් කරමින් ප්රකාශ කර ඇත්තේ, යුක්රේනය දැන් කාටූන් චිත්රපට සමඟ ද යුද්ධයක නිරත වන බවයි.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර