ලෝකයේ භූමි ප්රමාණයන් වඩාත් නිවැරදිව නිරූපණය කිරීම අරමුණු කරගනිමින් නව සිතියම් ප්රක්ෂේපණයක් භාවිත කිරීමට එක්සත් ජාතීන්ගේ මහා මණ්ඩලය තීරණය කර ඇත. රටවල් 164ක සහාය හිමිවූ මෙම යෝජනාව මගින් ‘Equal Earth’ නමැති නව සිතියම් ක්රමය ප්රචලිත කිරීමට නියමිතය.
වසර ගණනාවක් පුරා ලෝක සිතියම් සඳහා භාවිත කළ ‘Mercator’ ප්රක්ෂේපණය මගින් මහාද්වීපවල සැබෑ ප්රමාණයන් විකෘති ලෙස පෙන්වන බවට විද්වතුන් දිගු කලක සිට පෙන්වා දී තිබුණි. විශේෂයෙන්ම උතුරු අර්ධගෝලයේ රටවල් සැබෑ ප්රමාණයට වඩා විශාලව පෙනීම සහ සමකයට ආසන්න රටවල් කුඩාවට දිස්වීම මෙහි ඇති ප්රධාන අඩුපාඩුවකි.
නව ‘Equal Earth’ ක්රමය මගින් අප්රිකාව, ලතින් ඇමරිකාව සහ දකුණු ආසියාව වැනි කලාපවල සැබෑ සාපේක්ෂ භූමි ප්රමාණයන් වඩාත් නිවැරදිව නිරූපණය කෙරේ. මෙම යෝජනාව ඉදිරිපත් කළ ටෝගෝ රාජ්යයේ විදේශ අමාත්යවරයා පෙන්වා දුන්නේ, වැරදි සිතියම් භාවිතය මගින් පරම්පරා ගණනාවක් පුරා ලෝකය පිළිබඳ වැරදි අවබෝධයක් නිර්මාණය වී ඇති බවයි.
කෙසේ වෙතත්, මෙම යෝජනාවට ඇමරිකා එක්සත් ජනපදය සිය විරෝධය පළ කර තිබේ. ලෝකයේ පවතින සැබෑ ගැටලු විසඳීම වෙනුවට සිතියම් ප්රක්ෂේපණ පිළිබඳ සාකච්ඡා කිරීම එක්සත් ජාතීන්ගේ ආයතනයේ විශ්වසනීයත්වයට බලපාන බව ඇමරිකානු නියෝජිතවරිය ප්රකාශ කළාය.
ප්රංශය ඇතුළු තවත් රටවල් කිහිපයක් මෙම නව සිතියම් ක්රමයට සහාය පළ කර ඇති අතර, සත්යය පිළිගැනීමේ පියවරක් ලෙස මෙය වැදගත් බව ඔවුන් පෙන්වා දෙයි. මෙම වෙනසත් සමඟ ඉදිරියේදී ලෝක සිතියම පිළිබඳ අපගේ සාම්ප්රදායික දැක්ම විශාල වෙනසකට ලක්වනු ඇත.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර