බොදුබල සේනා සංවිධානයේ මහලේකම් ගලගොඩඅත්තේ ඥානසාර හිමියන්ට හිටපු ජනාධිපති මෛත්රීපාල සිරිසේන මහතා විසින් ලබාදී තිබූ ජනාධිපති පොදු සමාව බලරහිත කරමින් ශ්රේෂ්ඨාධිකරණය ඊයේ (10දා) තීන්දුවක් ප්රකාශයට පත් කළේය. මෙම තීන්දුව ලබා දී ඇත්තේ ශ්රේෂ්ඨාධිකරණ විනිසුරු ජනක් ද සිල්වා මහතා ඇතුළු විනිසුරු මඩුල්ලක් විසිනි.
අධිකරණයට අපහාස කිරීමේ චෝදනාවකට වරදකරු කෙරුණු ඥානසාර හිමියන්ට අභියාචනාධිකරණය විසින් වසර හයක සිරදඬුවමක් නියම කර තිබිණි. එම දඬුවම ක්රියාත්මක වෙමින් පවතිද්දී හිටපු ජනාධිපතිවරයා විසින් එම පොදු සමාව ලබා දී තිබුණි. කෙසේ වෙතත්, එවැනි සමාවක් ලබා දීමේදී අනුගමනය කළ යුතු නීතිමය ක්රියාපටිපාටිය නිසි ලෙස අනුගමනය කර නොමැති බව ශ්රේෂ්ඨාධිකරණය පෙන්වා දෙයි.
සන්ධ්යා එක්නැළිගොඩ මහත්මිය සහ ආචාර්ය පාක්යසෝති සරවණමුත්තු මහතා විසින් ගොනු කර තිබූ මූලික අයිතිවාසිකම් පෙත්සම් දෙකක් විභාග කිරීමෙන් අනතුරුව මෙම තීන්දුව ලබා දී ඇත. මෙම තීන්දුවත් සමඟ අභියාචනාධිකරණය මගින් නියම කළ වසර හයක සිරදඬුවම නැවත ක්රියාත්මක වනු ඇත.
පෙත්සම්කරුවන් වෙනුවෙන් ජ්යෙෂ්ඨ නීතිඥවරුන් සහ ජනාධිපති නීතිඥවරුන් පෙනී සිටි අතර, ඥානසාර හිමියන් වෙනුවෙන් ජනාධිපති නීතිඥ පයිසර් මුස්තාපා මහතා ඇතුළු නීතිඥ කණ්ඩායමක් පෙනී සිටියහ.
