සති අන්තයේ ස්මාර්ට්ෆෝනය පැත්තකින් තබන තරුණිය – ඩිජිටල් ලෝකයෙන් මිදී ලැබූ අත්දැකීම

අධික තාක්ෂණික භාවිතය සහ සමාජ මාධ්‍ය පීඩනයෙන් මිදීම සඳහා 26 හැවිරිදි සැන්ටිනා රිසි නම් තරුණිය අලුත් මඟක් අනුගමනය කරයි. ඇය සෑම සිකුරාදා දිනකම සවස 6.00 සිට ඉරිදා සවස දක්වා සිය ස්මාර්ට්ෆෝනය භාවිතය නතර කර, ඒ වෙනුවට සරල ජංගම දුරකථනයක් (Burner Phone) පමණක් භාවිත කිරීමට හුරු වී සිටී.

මෙම අත්දැකීම ආරම්භයේදී ඇයට තරමක් අපහසු සහ නොසන්සුන්කාරී එකක් විය. පණිවිඩ හෝ සමාජ මාධ්‍ය ප්‍රතිචාර මඟහැරේ යැයි බියක් තිබුණද, සති අන්තය අවසානයේ ඇයට වැටහුණේ තමන් නොමැතිව වුවද ලෝකය සාමාන්‍ය පරිදි ඉදිරියට යන බවයි. මෙම පුරුද්ද ඇයගේ මානසික සුවයට විශාල පිටුවහලක් වී තිබේ.

සරල දුරකථනය භාවිත කිරීමේදී ඇයට සංචාලන යෙදුම් හෝ ඡායාරූප ගැනීමේ පහසුකම් නොමැති වීම වැනි අභියෝගවලට මුහුණ දීමට සිදුව ඇත. කෙසේ වෙතත්, එමඟින් තමන් අවට සිටින පවුලේ අය සහ මිතුරන් සමඟ වැඩි කාලයක් ගත කිරීමටත්, නිර්මාණාත්මක කටයුතුවල නිරත වීමටත් හැකි වූ බව ඇය පවසයි.

සති අන්තයේ මෙලෙස දුරකථනයෙන් ඈත්ව සිටීම නිසා සතියේ දිනවලදී තම වැඩ කටයුතු වඩාත් කාර්යක්ෂමව කර ගැනීමට හැකි වී ඇති බව සැන්ටිනා පෙන්වා දෙයි. තාක්ෂණයෙන් මිදීමට කැමති ඕනෑම අයෙකුට මුලින්ම පැය 24ක් වැනි කෙටි කාලයකින් මෙම පුරුද්ද ආරම්භ කළ හැකි බව ඇය වැඩිදුරටත් සඳහන් කරයි.