පාකිස්තානයේ ෆයිසලාබාද්හි ඉක්බාල් ක්‍රීඩාංගණයේදී පැවති තුන්කොන් විස්සයි20 තරගාවලියේ තරගයකදී ශ්‍රී ලංකා යොවුන් ක්‍රිකට් ක්‍රීඩිකාවෝ පාකිස්තානයට එරෙහිව කඩුලු 9ක විශිෂ්ට ජයක් ලබා ගත්හ.
තරගයේ පළමුව පන්දුවට පහරදුන් පාකිස්තාන යොවුන් ක්‍රීඩිකාවෝ නියමිත පන්දුවාර 20 අවසානයේ කඩුලු 8ක් දැවී ලකුණු 110ක් පමණක් ලබා ගත්හ. ශ්‍රී ලංකා පන්දු යවන්නියන්ගේ දක්ෂ පන්දු යැවීම හමුවේ පාකිස්තාන ඉනිමේ කඩුලු 5ක් දුවද්දී දැවී යෑම් ලෙස සටහන් වීම කැපී පෙනුණි.
පිළිතුරු ඉනිම ක්‍රීඩා කළ ශ්‍රී ලංකා ක්‍රීඩිකාවෝ පන්දුවාර 15යි පන්දු 2ක් තුළ එක් කඩුල්ලක් පමණක් දැවී ජයග්‍රාහී ඉලක්කය පසු කළහ. ශ්‍රී ලංකා ඉනිම ශක්තිමත් කළ සංජනා කාවින්දි පන්දු 46කින් ලකුණු 61ක් රැස් කළ අතර, ඇය තරගයේ වීරයා ලෙස නම් කෙරිණි.
විමෝක්ෂා බාලසූරිය නොදැවී ලකුණු 43ක් ලබා ගනිමින් ජයග්‍රහණය තහවුරු කිරීමට සහාය විය. සංජනා සහ විමෝක්ෂා අතර පළමු කඩුල්ලට ගොඩනැගුණු ලකුණු 108ක සබඳතාව ශ්‍රී ලංකා ජයග්‍රහණය පහසු කළේය.
මෙම කණ්ඩායම් දෙක අතර මීළඟ තරගය ඔක්තෝබර් 12 වැනිදා ෆයිසලාබාද්හිදීම පැවැත්වීමට නියමිතය.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර