ශ්රී ලංකාව තුළ දරු උපත් අනුපාතය ක්රමයෙන් පහළ යාම රටේ අනාගත පැවැත්මට තර්ජනයක් බව පාර්ලිමේන්තු මන්ත්රී අජිත් පී. පෙරේරා මහතා පෙන්වා දෙයි. විවාහ වයස ඉහළ යාම, ආර්ථික අවිනිශ්චිතතාව සහ ජීවන වියදම ඉහළ යාම වැනි කරුණු රැසක් මෙම තත්ත්වයට බලපා ඇති බව ඔහු පවසයි.
මෙම තත්ත්වය පාලනය නොකළහොත් ඉදිරියේදී පාසල් පද්ධතිය සහ විශ්වවිද්යාල ධාරිතාව පවත්වාගෙන යාම පවා ගැටලුකාරී වනු ඇති බව මන්ත්රීවරයා අවධාරණය කළේය. රටේ අනාගත ශ්රම බලකාය පවත්වා ගැනීමට නම් දරු උපත් ප්රවර්ධනය කිරීම අත්යවශ්ය බව ඔහු වැඩිදුරටත් සඳහන් කළේය.
දරු උපත් දිරිමත් කිරීම සඳහා මන්ත්රීවරයා විසින් යෝජනා කිහිපයක් ඉදිරිපත් කර ඇත. ඒ අතර දරුවන් සිටින පවුල් සඳහා බදු සහන ලබාදීම, මාතෘ හා පීතෘ නිවාඩු ප්රතිලාභ ඉහළ දැමීම සහ දරු උපත් සඳහා මූල්ය දිරිගැන්වීම් ලබාදීම ප්රධාන වේ.
එසේම, දරුවන් සිටින පවුල් සඳහා නිවාස ණය පොලී අනුපාත අඩු කිරීම සහ ළමා සුරැකුම් සේවා වියදම් අවම කිරීමට රජයේ මැදිහත්වීමක් අවශ්ය බවත් ඔහු පෙන්වා දුන්නේය. දරුවන් ලැබීම සමාජයක් ලෙස අගය කළ යුතු සහ සම්මානයට පාත්ර කළ යුතු කරුණක් බවට පත් කළ යුතු බව මන්ත්රීවරයා වැඩිදුරටත් අවධාරණය කළේය.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර