ශ්රී ලංකාව තුළ මී උණ (Leptospirosis) රෝගය බහුලව වාර්තා වන බෝවන රෝග අතර ප්රමුඛ ස්ථානයක් ගන්නා බව ශ්රී ලංකා මහජන සෞඛ්ය පරීක්ෂකවරුන්ගේ සංගමය පවසයි. මෙම රෝගය හේතුවෙන් සිදුවන මරණ සංඛ්යාව ද ඉහළ මට්ටමක පවතින බැවින් ජනතාව මේ පිළිබඳව දැඩි අවධානයෙන් සිටිය යුතු බව එම සංගමය අවධාරණය කරයි.
මීයන්ගේ මූත්රවල අඩංගු ලෙප්ටොස්පයිරා බැක්ටීරියාව සමේ පවතින කුඩා සීරීම් හෝ ශ්ලේෂ්මල පටල හරහා මිනිස් ශරීරයට ඇතුළු වීමෙන් මෙම රෝගය බෝ වේ. විශේෂයෙන් ගොවීන්, මඩබිම් ආශ්රිතව සේවය කරන්නන්, කානු පද්ධති පිරිසිදු කරන්නන් සහ වගුරුබිම් ආශ්රිතව ක්රීඩා කරන දරුවන් මෙම රෝගය වැළඳීමේ වැඩි අවදානමක් ඇති කණ්ඩායම් ලෙස හඳුනාගෙන ඇත.
දියකඩිති, නිසල ජලය රැඳී ඇති ස්ථාන සහ ජලාශ ආශ්රිතව ගැවසීමේදී විශේෂ සැලකිල්ලක් දැක්විය යුතු බව සෞඛ්ය අංශ පෙන්වා දෙයි. මඩ සහිත පරිසරයක වැඩ කිරීමට පෙර වෛද්ය උපදෙස් මත ඩොක්සිසයික්ලීන් (Doxycycline) ඖෂධය ලබාගැනීම රෝගය වැළැක්වීමට උපකාරී වේ. මෙම ඖෂධය ප්රදේශයේ සෞඛ්ය වෛද්ය නිලධාරී කාර්යාලවලින් නොමිලේ ලබාගත හැකිය.
මී උණ සහ ඩෙංගු රෝගවල මුල් රෝග ලක්ෂණ සමාන විය හැකි බැවින් උණ, හිසරදය, ඇඟපත වේදනාව සහ ඇස් යට වේදනාව වැනි ලක්ෂණ මතු වුවහොත් වහාම වෛද්යවරයකු හමුවී රුධිර පරීක්ෂණ සිදුකර ගැනීම අත්යවශ්ය වේ. ස්වයං ප්රතිකාර හෝ සාම්ප්රදායික ඖෂධ භාවිත කරමින් කාලය ගත කිරීම ජීවිත අවදානමට හේතු විය හැකි බව ද සෞඛ්ය අංශ වැඩිදුරටත් අනතුරු අඟවයි.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර