උතුරු සහ නැගෙනහිර පළාත්වල ඉඩම් ජනතාවට පැවරීමට ජනාධිපතිවරයාගෙන් පියවර

උතුරු සහ නැගෙනහිර පළාත්වල දැනට රජයේ පාලනය යටතේ පවතින ඉඩම් නැවත එම ප්‍රදේශවල ජනතාව වෙත ලබා දීමට ජනාධිපතිවරයා විසින් විශේෂ වැඩපිළිවෙලක් ආරම්භ කර ඇත.

දිගු කලක් තිස්සේ පවතින ඉඩම් ගැටලු විසඳීම සහ අවතැන් වූ ජනතාවට සිය ඉඩම් අයිතිය තහවුරු කර දීම මෙම පියවරේ ප්‍රධාන අරමුණයි.

මෙම වැඩසටහන යටතේ අදාළ ඉඩම් හඳුනාගෙන ඒවා නීත්‍යානුකූලව ජනතාව වෙත පවරා දීම සඳහා අදාළ අංශ වෙත උපදෙස් ලබා දී තිබේ.

මෙම ක්‍රියාවලිය විනිවිදභාවයකින් යුතුව සිදු කිරීමට අපේක්ෂා කරන අතර, ඒ හරහා උතුරු සහ නැගෙනහිර පළාත්වල ජනතාවගේ ජීවන තත්ත්වය නංවාලීමට රජය බලාපොරොත්තු වේ.