වධහිංසා වැළැක්වීම පිළිබඳ එක්සත් ජාතීන්ගේ අනුකමිටුව (SPT) ජුනි 15 වැනිදා සිට 24 වැනිදා දක්වා ශ්රී ලංකාවේ සංචාරයක නිරත වීමට නියමිත බව විදේශ කටයුතු අමාත්යාංශය නිවේදනය කරයි. මෙය ඔවුන් මෙරට සිදු කරන දෙවැනි සංචාරය වේ.
සිව් දෙනෙකුගෙන් සමන්විත මෙම නියෝජිත පිරිසට මාලදිවයින, පෝලන්තය, ක්රොඒෂියාව සහ ජෝර්ජියාව යන රටවල නියෝජිතයින් ඇතුළත් වේ. ඔවුන්ගේ මෙම සංචාරය සඳහා ජිනීවා හි පිහිටි අනුකමිටු ලේකම් කාර්යාලයේ නිලධාරීන් ද එක්වීමට නියමිතය.
සිය සංචාරය අතරතුරදී, මෙම නියෝජිත පිරිස රජයේ අමාත්යාංශ, දෙපාර්තමේන්තු සහ ආයතනවල ජ්යෙෂ්ඨ නිලධාරීන් මෙන්ම අමාත්ය මට්ටමේ නියෝජිතයින් ද හමුවී සාකච්ඡා පැවැත්වීමට නියමිතය. මීට අමතරව, ශ්රී ලංකා මානව හිමිකම් කොමිෂන් සභාවේ නියෝජිතයින් සහ සිවිල් සමාජ ක්රියාකාරීන් ද ඔවුන් හමුවීමට කටයුතු යොදා ඇත.
ශ්රී ලංකාව 2017 වසරේදී වධහිංසාවට එරෙහි සම්මුතියේ විකල්ප ප්රොටෝකෝලය (OPCAT) වෙත අත්සන් තැබීමෙන් අනතුරුව, ශ්රී ලංකා මානව හිමිකම් කොමිෂන් සභාව ජාතික වධහිංසා වැළැක්වීමේ යාන්ත්රණය (NPM) ලෙස නම් කරන ලදී. එක්සත් ජාතීන්ගේ සංවිධානය සමඟ පවතින අඛණ්ඩ සහයෝගීතාවය මත මෙම සංචාරය විනිවිද පෙනෙන අයුරින් සිදු කිරීමට රජය අපේක්ෂා කරයි.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර