චෙක් ජනරජයේ පැවති කීර්තිමත් 65 වැනි ගෝල්ඩන් ස්පයික් මලල ක්රීඩා ශූරතාවලියේදී ශ්රී ලංකාවේ රුමේෂ් තරංග රන් පදක්කම දිනා ගනිමින් ජාත්යන්තර මලල ක්රීඩා පිටියේ ශ්රී ලංකාවට මහත් කීර්තියක් අත්කර දුන්නේය. මෙම ජයග්රහණය ශ්රී ලංකා මලල ක්රීඩා ඉතිහාසයේ සුවිශේෂී සන්ධිස්ථානයක් ලෙස සැලකේ.
මෙම තරගයේදී රුමේෂ් තරංග මීටර් 86.57ක දක්ෂතාවක් ප්රදර්ශනය කළේය. ඔහු හමුවේ පරාජයට පත් වූයේ පැරිස් ඔලිම්පික් පදක්කම්ලාභී සහ දෙවරක් ලෝක ශූරයා වූ ග්රෙනාඩාවේ ඇන්ඩර්සන් පීටර්ස් ය. ඔහු මීටර් 84.27ක දක්ෂතාවක් දැක්වූ අතර, දකුණු අප්රිකාවේ ඩෝවූ ස්මිට් මීටර් 83.90ක් වාර්තා කරමින් තෙවැනි ස්ථානයට පත්විය.
මෙම වසරේ පෙබරවාරි මාසයේ සිට රුමේෂ් තරංග දිනාගත් 6 වැනි රන් පදක්කම මෙය වීම විශේෂත්වයකි. මීට පෙර කිසිදු ශ්රී ලාංකික ක්රීඩකයෙකු මෙම ගෞරවනීය තරගාවලියේදී ශූරතාවක් දිනාගෙන නොතිබීම කැපී පෙනේ.
මෑත කාලයේ හෙල්ල විසි කිරීමේ ඉසව්වේ ප්රමුඛතම ක්රීඩකයෙකු ලෙස ඉස්මතු වූ රුමේෂ්, මීට පෙර ඉතාලියේ රෝම නුවර පැවති ඩයමන්ඩ් ලීග් තරගාවලියේදී මීටර් 92.62ක දක්ෂතාවක් දක්වමින් නව ශ්රී ලංකා වාර්තාවක් ද පිහිටුවීය. එම දක්ෂතාව 2026 වසරේ ලෝකයේ වාර්තා වූ ඉහළම දුර ලෙස සටහන්ව ඇත.
මෙම ජයග්රහණයත් සමඟ ඔහු ලෝක ශ්රේණිගත කිරීම්වල දෙවැනි ස්ථානය දක්වා ඉදිරියට පැමිණීමේ ඉඩකඩක් පවතින බව ක්රීඩා විචාරකයෝ පෙන්වා දෙති.
