ශ්රී ලංකාවේ මාධ්ය ක්ෂේත්රය තුළ උසස් වෘත්තීය ප්රමිතීන් ස්ථාපිත කිරීමේ සහ පවත්වාගෙන යාමේ අරමුණින් ‘ශ්රී ලංකා වරලත් මාධ්ය වෘත්තිකයින්ගේ ආයතනය’ පිහිටුවීම සඳහා වන පනත් කෙටුම්පත රජයේ ගැසට් පත්රය මඟින් ප්රකාශයට පත් කර ඇත.
සෞඛ්ය හා ජනමාධ්ය අමාත්යවරයාගේ නියමය පරිදි මෙම ගැසට් නිවේදනය පසුගිය ජූනි 05 වන දින නිකුත් කර තිබේ. මෙරට මාධ්යවේදීන්ගේ වෘත්තීය අයිතිවාසිකම් සහ වගකීම් නීත්යානුකූල රාමුවක් තුළ විධිමත් කිරීම මෙම පනතේ මූලික අපේක්ෂාවයි.
මෙම ආයතනය පිහිටුවීම හරහා මෙරට මාධ්ය ක්ෂේත්රයේ ගුණාත්මකභාවය ඉහළ නැංවීමට සහ මාධ්ය වෘත්තිකයින් සඳහා නිසි වෘත්තීය පිළිගැනීමක් ලබාදීමට රජය අපේක්ෂා කරයි.
ගැසට් කරනු ලැබූ මෙම පනත් කෙටුම්පත ඉදිරියේදී පාර්ලිමේන්තුවේ අනුමැතිය සඳහා ඉදිරිපත් කිරීමට නියමිතව ඇත. මෙය ශ්රී ලාංකේය මාධ්ය ඉතිහාසයේ වැදගත් පියවරක් ලෙස සැලකේ.
