කළුතර නගරයේ නේවාසික දේපළ සඳහා පවතින ඉහළ ඉල්ලුම සලකා බලමින්, ප්රයිම් ලෑන්ඩ්ස් (Prime Lands) සමාගම සිය නවතම සුඛෝපභෝගී නිවාස ව්යාපෘතිය වන ‘Kaloora’ ඉදිකිරීම ආරම්භ කර ඇත. මෙය කළුතර ප්රදේශයේ ඉදිකෙරෙන මෙවැනි ආකාරයේ ප්රථම පූර්ණ සැලසුම්ගත තනි නිවාස ව්යාපෘතිය ලෙස සැලකේ.
මෙම ව්යාපෘතියේ ඉදිකිරීම් කටයුතු ප්රයිම් සමූහයේ ඉදිකිරීම් අංශය වන ප්රයිම් කන්ස්ට්රක්ෂන්ස් (Prime Constructions) ආයතනය විසින් සිදුකරනු ලබයි. නාගොඩ රෝහලට මීටර් 800ක දුරකින් සහ දොඩන්ගොඩ අධිවේගී මාර්ග පිවිසුමට විනාඩි 15ක කාලයකින් ළඟා විය හැකි ස්ථානයක මෙම ව්යාපෘතිය පිහිටා තිබීම විශේෂත්වයකි.
පිහිනුම් තටාකයක්, ව්යායාම මධ්යස්ථානයක්, දරුවන් සඳහා ක්රීඩාංගණයක් සහ ගෘහස්ථ ක්රිකට් ක්රීඩා පරිශ්රයක් ඇතුළු නවීන පහසුකම් රැසකින් මෙය සමන්විත වේ. එසේම, පදිංචිකරුවන්ගේ ආරක්ෂාව වෙනුවෙන් පැය 24 පුරා ක්රියාත්මක ආරක්ෂක සේවාවක් ද මෙහි ඇතුළත් කර ඇත.
මෙම ව්යාපෘතිය පිළිබඳව අදහස් දක්වමින් ප්රයිම් ලෑන්ඩ්ස් සමාගමේ ප්රධාන විධායක නිලධාරී රුමින්ද රන්දෙණිය මහතා සඳහන් කළේ, කොළඹ නගරයේ සුඛෝපභෝගී නිවසක අත්දැකීම කළුතරදී ලබා දීම මෙම ව්යාපෘතියේ අරමුණ බවයි. සහනදායී ගෙවීමේ ක්රම හරහා බොහෝ පවුල්වලට උසස් ප්රමිතියෙන් යුත් නිවසක් හිමිකර ගැනීමට අවස්ථාව උදාවී ඇති බවද ඔහු වැඩිදුරටත් පැවසීය.
