ලොව ප්රකට වෝල්ට් ඩිස්නි සමාගම සහ ටික්ටොක් සමාගම අතර අලුතින් ඇති කරගත් සහයෝගීතා ගිවිසුමක් මගින් ටික්ටොක් නිර්මාණකරුවන්ට නව අවස්ථාවක් උදා වී තිබේ. ඒ අනුව ඩිස්නි සමාගමට අයත් චිත්රපට සහ රූපවාහිනී වැඩසටහන්වල දර්ශන සහ චරිත තම කෙටි වීඩියෝ නිර්මාණ සඳහා නීත්යානුකූලව භාවිත කිරීමට නිර්මාණකරුවන්ට අවසර හිමි වේ.
මෙම ගිවිසුම යටතේ මාර්වල් (Marvel), පීක්සා (Pixar), ස්ටාර් වෝර්ස් (Star Wars) සහ එෆ්.එක්ස් (FX) වැනි ජනප්රිය සන්නාමවලට අයත් අන්තර්ගතයන් නිර්මාණකරුවන්ට භාවිත කළ හැකිය. සමාජ මාධ්ය වේදිකාවක් සහ සාම්ප්රදායික මාධ්ය සමාගමක් අතර මෙවැනි ගිවිසුමක් ඇති කරගත් පළමු අවස්ථාව මෙය ලෙස සැලකේ.
මෙම වැඩසටහනේ නියමු අදියර ඉදිරි මාස කිහිපය තුළ එක්සත් ජනපදයේදී ආරම්භ කිරීමට නියමිතය. අනතුරුව එය ලොව පුරා අනෙකුත් රටවලටද ව්යාප්ත කිරීමට සමාගම් දෙකම සැලසුම් කර ඇත. මෙම ගිවිසුම හරහා නිර්මාණය වන විශේෂ වීඩියෝ දර්ශන ඩිස්නි ප්ලස් (Disney+) ප්රවාහ සේවාවේ නව ‘Verts’ ටැබ් එක යටතේ ප්රදර්ශනය කිරීමටද නියමිතය.
ඩිස්නි සමාගමේ ප්රධාන අලෙවිකරණ නිලධාරී අසාද් අයස් පවසන්නේ, මෙම සහයෝගීතාවය මගින් රසිකයන්ගේ නිර්මාණශීලිත්වය සහ ඩිස්නි කතාන්දර අතර නව පාලමක් ගොඩනැගෙන බවයි. ටික්ටොක් දත්තවලට අනුව, පසුගිය වසරේදී පමණක් චිත්රපට සහ රූපවාහිනී වැඩසටහන් සම්බන්ධ වීඩියෝ මිලියන 6.5ක් පමණ පරිශීලකයන් විසින් බෙදාගෙන ඇත.
