දකුණු ඉන්දීය සිනමාවේ ජනප්රිය නළු යෂ්, තමිල්නාඩු මහ ඇමති සහ හිටපු නළු විජයගේ ජනතාව වෙනුවෙන් දක්වන කැපවීම පිළිබඳව සිය ප්රශංසාව පළ කර තිබේ. සිය නවතම චිත්රපටයේ ප්රචාරණ කටයුතු සඳහා චෙන්නායි වෙත පැමිණි අවස්ථාවේදී ඔහු මේ බව ප්රකාශ කළේය.
විජයගේ මහජන සේවය පිළිබඳව අදහස් දක්වමින් යෂ් සඳහන් කළේ, ඔහු උදෑසන සිට රාත්රිය දක්වා තමිල්නාඩු ජනතාව වෙනුවෙන් වෙහෙස මහන්සි වී වැඩ කරන බවයි. නළුවෙකු ලෙස රසිකයන්ගෙන් ලැබෙන ආදරය සහ ගෞරවය නැවත ජනතාවට ලබාදීමේ වගකීම විජය මනාව ඉටු කරන බව ද ඔහු පැවසීය.
විජයගේ කැපවීම සහ ජනතාව ඔහු කෙරෙහි දක්වන ආදරය තමා නිතර අගය කරන බවත්, ඔහුගෙන් ඉගෙන ගැනීමට බොහෝ දේ ඇති බවත් යෂ් වැඩිදුරටත් සඳහන් කළේය. ඉදිරි මැතිවරණය සම්බන්ධයෙන් ද අදහස් දැක්වූ යෂ්, විජය වෙත පැවරී ඇති වගකීම සාර්ථකව ඉටු කිරීමට හැකි වේවායි ප්රාර්ථනා කළේය.
මේ අතර, යෂ් ප්රධාන චරිත ද්විත්වයකින් රංගනයෙන් දායක වන ‘Toxic: A Fairytale for Grown-Ups’ චිත්රපටය අගෝස්තු 26 වැනිදා තිරගත වීමට නියමිතය. ගීතු මෝහන්දාස් අධ්යක්ෂණය කරන මෙම චිත්රපටය සඳහා ඉන්දීය රුපියල් කෝටි 500කට අධික පිරිවැයක් දරා ඇති බව වාර්තා වේ.
