ලෝක සෞඛ්ය සංවිධානයේ අග්නිදිග ආසියානු කලාපය සඳහා වන 78 වන කලාපීය කමිටු සැසිය ඔක්තෝබර් 13 සිට 15 දක්වා ශ්රී ලංකාවේදී පැවැත්වීමට නියමිතය. මෙම සමුළුව සඳහා කලාපීය රටවල සෞඛ්ය අමාත්යවරුන් සහ ජ්යෙෂ්ඨ සෞඛ්ය නිලධාරීන් එක්වීමට නියමිත අතර, ලෝක සෞඛ්ය සංවිධානයේ අධ්යක්ෂ ජනරාල් වෛද්ය ටෙඩ්රොස් අද්නාම් ගෙබ්රෙයිසස් මහතා ද ඊට සහභාගී වනු ඇත.
මෙම තෙදින සමුළුවේදී කලාපයේ සෞඛ්ය ක්ෂේත්රයේ ප්රමුඛතා රැසක් පිළිබඳව සාකච්ඡා කිරීමට අපේක්ෂා කෙරේ. විශේෂයෙන්ම, වයස්ගත වන ජනගහනය සඳහා සෞඛ්ය සම්පන්න වයස්ගත වීමක් සහතික කිරීම, දුම් රහිත දුම්කොළ සහ නව නිකොටින් නිෂ්පාදන භාවිතය පාලනය කිරීම මෙහිදී ප්රධාන අවධානයට ලක්වනු ඇත.
එමෙන්ම, කලාපීය සෞඛ්ය හදිසි අරමුදල (SEARHEF) ශක්තිමත් කිරීම සහ ක්ෂුද්ර ජීවී ප්රතිරෝධයට එරෙහිව ගත යුතු පියවරයන් වේගවත් කිරීම පිළිබඳව ද මෙහිදී විශේෂ අවධානය යොමු කෙරේ. ස්වාභාවික විපත් සහ හදිසි සෞඛ්ය තත්ත්වයන් හමුවේ කලාපීය රටවලට සහාය වීම සඳහා මෙම අරමුදල තවදුරටත් පුළුල් කිරීමේ අවශ්යතාවය මෙහිදී සාකච්ඡා වනු ඇත.
2050 වසර වන විට අග්නිදිග ආසියානු කලාපයේ වයස අවුරුදු 60 ට වැඩි ජනගහනය 20.9% දක්වා ඉහළ යනු ඇතැයි ගණන් බලා ඇති පසුබිමක, මෙම සමුළුව මගින් සෞඛ්ය සහ සමාජ පද්ධති වඩාත් ශක්තිමත් කිරීම සඳහා වන නව ප්රතිපත්තිමය තීරණ ගනු ඇතැයි අපේක්ෂා කෙරේ.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර