නේපාලයට බලපෑ දරුණු ගංවතුර ව්යසනය හේතුවෙන් අතුරුදහන් වූ පුද්ගලයින් හත් දෙනෙකුගේ සිරුරු ඉන්දියාවේ උත්තර ප්රදේශ් ප්රාන්තයේ ගංගා කිහිපයක පාවෙමින් තිබියදී සොයාගෙන ඇත.
මෙම සිරුරු නේපාලයේ චිට්වාන් කලාපයට මායිම්ව පිහිටි මහාරාජ්ගන්ජ් සහ කුෂිනගර් යන දිස්ත්රික්ක හරහා ගලා බසින ගංගාවල තිබී හමුවී ඇති බව ඉන්දීය බලධාරීන් තහවුරු කරයි. බ්රහස්පතින්දා දිනයේදී මහාරාජ්ගන්ජ් ප්රදේශයෙන් සිරුරු හතරක් ද, ඉන් කිලෝමීටර 70ක් පමණ දුරින් පිහිටි කුෂිනගර් ප්රදේශයෙන් සිරුරු තුනක් ද සොයාගෙන තිබේ.
නේපාලයේ හටගත් හදිසි ගංවතුර තත්ත්වය හේතුවෙන් මෙම පිරිස ජලයේ ගසාගෙන විත් ඉන්දීය දේශසීමාවට ඇතුළු වන්නට ඇති බව මහාරාජ්ගන්ජ් දිස්ත්රික් මහේස්ත්රාත්වරයා පවසයි. දැනට හමුවී ඇති සිරුරු හඳුනාගැනීම සඳහා පරීක්ෂණ ක්රියාත්මක කර ඇත.
මෙම මහා ගංවතුර ව්යසනයෙන් මේ වන විට පුද්ගලයින් 584 දෙනෙකු මියගොස් ඇති අතර, නේපාලය සහ ටිබෙට් කලාපය පුරා තවත් 2,400කට වැඩි පිරිසක් අතුරුදහන්ව සිටිති. ඉන්දියාවෙන් හමුවූ සිරුරු හත තවමත් නිල මරණ සංඛ්යාවට ඇතුළත් කර නොමැති බව විදෙස් මාධ්ය වාර්තා කරයි.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර