ඕස්ට්රේලියාවේ ක්වීන්ස්ලන්ත ප්රාන්තයෙන් වාර්තා වන මෙම පුවත වෛද්ය විද්යාත්මකව අතිශය දුර්ලභ සිදුවීමක් ලෙස සැලකේ. 27 හැවිරිදි කාන්තාවක් දරුවන් නොමැති යුවළක් වෙනුවෙන් පරාර්ථකාමී ආදේශක මවක් ලෙස කටයුතු කිරීමට එකඟ වී ඇති අතර, 2025 අප්රේල් මාසයේදී අදාළ යුවළගේ කළලයක් ඇයගේ ගර්භාෂයේ තැන්පත් කර ඇත.
කෙසේ වෙතත්, එම කාලසීමාව තුළම ඇය තම සැමියා සමඟ ස්වභාවිකව පිළිසිඳගෙන ඇති බව පසුව අනාවරණය වී තිබේ. සති දෙකකට පසු සිදු කළ වෛද්ය පරීක්ෂණවලදී ඇය නිවුන් දරුවන් අපේක්ෂාවෙන් සිටින බව තහවුරු විය. ජාන පරීක්ෂණවලින් පසුව තහවුරු වූයේ එක් දරුවෙකු ආදේශක මවගේ සහ ඇගේ සැමියාගේ දරුවා බවත්, අනෙක් දරුවා අදාළ යුවළගේ ජීව විද්යාත්මක දරුවා බවත්ය.
2025 නොවැම්බර් මාසයේදී දරුවන් දෙදෙනා උපත ලැබීමෙන් පසු, දෙපාර්ශවයම තම ජීව විද්යාත්මක දරුවන් භාරගෙන ඇති අතර ඔවුන් අතර කිසිදු ආරවුලක් නොමැති බව වාර්තා වේ. කෙසේ වෙතත්, මෙම සිදුවීම ක්වීන්ස්ලන්තයේ ආදේශක මව් නීතිවලට අභියෝගයක් වී තිබුණි.
ක්වීන්ස්ලන්ත ළමා අධිකරණය හමුවේ මෙම නඩුව විභාග වූ අතර, විනිසුරු ජෝඩි වුල්ඩ්රිජ් තීන්දු කළේ මෙම දරුවන් නීතිමය අර්ථයෙන් ‘උපත් සහෝදර සහෝදරියන්’ ලෙස නොසැලකිය යුතු බවයි. ඒ අනුව, දරුවන් දෙදෙනා ඔවුන්ගේ ජීව විද්යාත්මක දෙමව්පියන් යටතේ වෙන වෙනම ඇති දැඩි කිරීමට අධිකරණය අවසර ලබා දී ඇත.
දරුවන් දෙදෙනා එකිනෙකා හඳුනාගෙන වැඩෙන පරිසරයක් නිර්මාණය කිරීමට පවුල් දෙකම එකඟ වී ඇති අතර, අනාගතයේදී ඔවුන්ගේ අසාමාන්ය උපත පිළිබඳව දරුවන්ට කරුණු පැහැදිලි කිරීමටද සැලසුම් කර ඇත.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර