ඉකුත් දිනවල නේපාලයේ කඳුකර ප්රදේශ හරහා හමා ගිය හදිසි ගංවතුර තත්ත්වය හේතුවෙන් විශාල ජීවිත හානි සහ දේපළ හානි වාර්තා විය. මෙම ස්වාභාවික ව්යසනයත් සමඟ, 2009 වසරේ තිරගත වූ ‘2012’ නම් හොලිවුඩ් ව්යසන චිත්රපටයේ දර්ශන කිහිපයක් සමාජ මාධ්ය ඔස්සේ නැවතත් කරළියට පැමිණ තිබේ.
විශේෂයෙන්ම, චිත්රපටයේ දැක්වෙන කඳු මුදුනක පිහිටි විහාරස්ථානයක් දෙසට දැවැන්ත ජල කඳක් ගලා එන දර්ශනය සහ නේපාලයේ වත්මන් ගංවතුර තත්ත්වය අතර පවතින සමානකම් පිළිබඳව බොහෝ දෙනා අදහස් දක්වමින් සිටිති. ඇතැම් සමාජ මාධ්ය පරිශීලකයින් පෙන්වා දෙන්නේ මෙම දර්ශන දකින විට චිත්රපටය හුදු ප්රබන්ධයක් පමණක් නොවන බව හැඟී යන බවයි.
මෙම වීඩියෝ දර්ශන හුවමාරු කරගන්නා පරිශීලකයින්, ස්වභාවධර්මයේ අනපේක්ෂිත සහ භයානක ස්වරූපය පිළිබඳව සිය කනස්සල්ල පළ කරති. ඇතැම් අය මෙය ‘පරිසර කනස්සල්ලක්’ ලෙස හඳුන්වන අතර, ස්වාභාවික විපත්වල දරුණු බව තවදුරටත් තහවුරු වන බව පවසති.
මෑත ඉතිහාසයේ නේපාලය මුහුණ දුන් දරුණුතම ස්වාභාවික ව්යසනයක් ලෙස සැලකෙන මෙම ගංවතුර හේතුවෙන් කඳුකර ප්රදේශ රැසක ජන ජීවිතය දැඩි ලෙස අඩාල වී ඇත. ගංවතුරෙන් ගසාගෙන ගිය සිරුරු ඉන්දියාවේ ගංගා ආශ්රිතව හමුවීමත් සමඟ මෙම ඛේදවාචකයේ බරපතළකම තවදුරටත් තීව්ර වී තිබේ.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර