දකුණු ඉන්දීය සිනමාවේ ජනප්‍රිය රංගන ශිල්පී සූරි සිය නවතම චිත්‍රපටය වන ‘මන්දාඩි’ (Mandaadi) ප්‍රදර්ශනය වෙනුවෙන් ශ්‍රී ලංකාවට පැමිණ සිටී. මෙම සංචාරයේදී ඔහුට වැල්ලවත්ත ප්‍රදේශයේදී රසිකයන්ගෙන් ඉතා උණුසුම් පිළිගැනීමක් හිමිවූ බව වාර්තා වේ.
සිනමාහලක් වෙත පැමිණි අවස්ථාවේදී සූරි දැකගැනීම සඳහා විශාල පිරිසක් මාර්ග දෙපස රැස්ව සිටි අතර, ඔවුන්ගේ උද්යෝගිමත් පිළිගැනීම හමුවේ ඔහු සිය මෝටර් රථයෙන් බැස රසිකයන්ගේ ආදරය සතුටින් පිළිගත්තේය. අනතුරුව සිනමාහල තුළදී රසිකයන් සමඟ අදහස් හුවමාරු කර ගැනීමටද ඔහු කටයුතු කළේය.
තම චිත්‍රපටයට ශ්‍රී ලාංකික රසිකයන්ගෙන් ලැබෙන ප්‍රතිචාර තමන් අපේක්ෂා කළ මට්ටමට වඩා ඉහළ බව සූරි එහිදී සඳහන් කළේය. මීට පෙර ජනප්‍රිය විකට නළුවෙකු ලෙස ප්‍රසිද්ධියට පත්ව සිටි සූරි, ‘විදුතලෙයි’ සහ ‘ගරුඩන්’ වැනි චිත්‍රපට හරහා මේ වන විට ප්‍රධාන නළුවෙකු ලෙස සිය දක්ෂතා විදහා දක්වමින් සිටී.
අධ්‍යක්ෂ මතිමාරන් පුගළේන්දිගේ නිර්මාණයක් වන ‘මන්දාඩි’, තමිල්නාඩු වෙරළාසන්න සාම්ප්‍රදායික රුවල් බෝට්ටු තරගයක් කේන්ද්‍ර කරගනිමින් නිර්මාණය කර ඇත. මුහුද ආශ්‍රිතව රූගත කිරීම් සිදුකිරීම හේතුවෙන් මෙය අභියෝගාත්මක නිෂ්පාදනයක් බවද වාර්තා වේ.
මෙම චිත්‍රපටය නැරඹීමෙන් අනතුරුව ජනප්‍රිය නළු රජිනිකාන්ත් ද දුරකථනයෙන් අමතා සූරිට සිය ප්‍රශංසාව පළ කර තිබූ බව ඔහු මීට පෙර සමාජ මාධ්‍ය ඔස්සේ ප්‍රකාශ කර තිබුණි. පසුගිය සැප්තැම්බර් 10 වැනිදා තිරගත වීම ඇරඹූ මෙම චිත්‍රපටය මේ වන විට දෙස් විදෙස් සිනමාහල් රැසක සාර්ථකව ප්‍රදර්ශනය වෙමින් පවතී.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර