නිකවැරටිය පොලිස් වසමේ විද්‍යාර්ථ මාවත ප්‍රදේශයේ නිවසක සිදු වූ බහින්බස් වීමක් දුරදිග යාමෙන් බිරිඳක් ඝාතනයට ලක්ව ඇති බව පොලිසිය පවසයි.
මියගිය කාන්තාව 46 හැවිරිදි වියේ පසුවන නිකවැරටිය ප්‍රදේශයේ පදිංචිකාරිනියකි. ඇය සිය සැමියා සහ දරුවන් තිදෙනා සමඟ නිවසේ සිටියදී මෙම අවාසනාවන්ත සිදුවීමට මුහුණ දී ඇත.
සැමියා විසින් යකඩ පොල්ලකින් පහර දීම හේතුවෙන් බිරිඳ මියගොස් ඇති බව මූලික විමර්ශනවලදී අනාවරණය වී තිබේ. ඝාතනය සිදුකළ 49 හැවිරිදි සැකකාර සැමියා මේ වන විට නිකවැරටිය පොලිසිය විසින් අත්අඩංගුවට ගෙන ඇත.
සිද්ධිය සම්බන්ධයෙන් නිකවැරටිය පොලිසිය වැඩිදුර විමර්ශන කටයුතු සිදුකරයි.
