ජාතික මානව ජාවාරම් මර්දන කාර්ය සාධක බලකාය විසින් එක්සත් ජාතීන්ගේ මත්ද්‍රව්‍ය හා අපරාධ පිළිබඳ කාර්යාලයේ (UNODC) සහයෝගය ඇතිව නුවරඑළිය දිස්ත්‍රික්කය කේන්ද්‍ර කරගනිමින් විශේෂ වැඩසටහනක් දියත් කරන ලදී. පසුගිය ඔක්තෝබර් 13 සහ 14 යන දිනවල පැවති මෙම වැඩමුළුව, රාජ්‍ය නිලධාරීන්ගේ ධාරිතාව වර්ධනය කිරීම අරමුණු කරගනිමින් සංවිධානය කෙරිණි.
මෙම වැඩසටහනේ ප්‍රධාන අරමුණ වූයේ මානව ජාවාරම් පිළිබඳ නව ප්‍රවණතා, වින්දිතයන් හඳුනාගැනීමේ ක්‍රමවේද සහ අන්තර් ආයතනික සම්බන්ධීකරණය ශක්තිමත් කිරීමයි. විශේෂයෙන්ම සයිබර් අපරාධ සහ බලහත්කාරයෙන් සිදුකරන අපරාධ ක්‍රියාවලට මිනිසුන් යොමු කරවා ගැනීම වැනි නවීන අභියෝග පිළිබඳව මෙහිදී වැඩි අවධානයක් යොමු විය.
ළමා ශ්‍රමය සූරාකෑම සහ බලහත්කාරයෙන් ශ්‍රමය ලබාගැනීම වැනි ගැටලු පිළිබඳව ද කම්කරු දෙපාර්තමේන්තුවේ සම්පත් දායකයන්ගේ සහභාගීත්වයෙන් කරුණු සාකච්ඡා කෙරිණි. මෙම වැඩමුළුවේ ප්‍රතිඵලයක් ලෙස නුවරඑළිය දිස්ත්‍රික් මානව ජාවාරම් මර්දන සංසදය (DATF) නිල වශයෙන් ස්ථාපිත කරන ලදී.
ශ්‍රී ලංකාවේ මානව ජාවාරම් මර්දනය සඳහා වන ජාතික උපායමාර්ගික ක්‍රියාකාරී සැලැස්ම (2026-2030) යටතේ මෙරට ස්ථාපිත කෙරුණු හත්වැනි දිස්ත්‍රික් සංසදය මෙය වේ. ආරක්ෂක අමාත්‍යාංශය, රාජ්‍ය පරිපාලන අමාත්‍යාංශය සහ පළාත් සභා ඇතුළු ආයතන රැසක සහයෝගීතාවයෙන් මෙම වැඩපිළිවෙල ක්‍රියාත්මක වේ.
දිස්ත්‍රික් මට්ටමින් වින්දිතයන් ආරක්ෂා කිරීම සහ ජාවාරම් වැළැක්වීමේ යාන්ත්‍රණයන් ශක්තිමත් කිරීම සඳහා ඉදිරියේදී සෙසු දිස්ත්‍රික්කවල ද මෙවැනි සංසද ස්ථාපිත කිරීමට නියමිත බව බලධාරීහු පවසති.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර