බොලිවුඩ් සිනමාවේ ජනප්රිය යුවළක් වන අජේ දේව්ගන් සහ කාජල්ගේ දියණිය වන නයිසා දේව්ගන්ගේ මෑතකාලීන පෙනුම පිළිබඳව සමාජ මාධ්ය තුළ විවිධ අදහස් පළ වෙමින් පවතී. ඇය සහභාගී වූ උත්සව කිහිපයකදී ලබාගත් ඡායාරූපවල දැක්වෙන ඇගේ මුහුණේ හැඩය සහ සමේ පැහැය පෙරට වඩා වෙනස් බව බොහෝ දෙනා පෙන්වා දෙති.
මෙම වෙනසත් සමඟම නයිසා ප්ලාස්ටික් සැත්කම් හෝ සම සුදු කිරීමේ ප්රතිකාර ලබාගෙන ඇති බවට සමාජ මාධ්ය ඔස්සේ විවිධ විවේචන එල්ල විය. කෙසේ වෙතත්, මෙම චෝදනා සියල්ල තරයේ ප්රතික්ෂේප කරමින් කාජල් මාධ්ය වෙත අදහස් දක්වා තිබේ.
සිය දියණිය කිසිදු සැත්කමකට භාජනය වී නොමැති බව පවසන කාජල්, ඇගේ සුන්දරත්වයේ රහස සෞඛ්ය සම්පන්න ජීවන රටාවක් බව අවධාරණය කරයි. තම පියා මෙන්ම ශාරීරික යෝග්යතාවය ගැන දැඩි අවධානයක් යොමු කරන නයිසා, නිසි පෝෂණ ගුණයෙන් යුත් ආහාර වේලක් ලබාගැනීමට සහ ජලය පානය කිරීමට පුරුදුව සිටින බව ඇය පවසයි.
මීට අමතරව, සතියකට කිහිප වතාවක් ස්වාභාවික රූපලාවන්ය සත්කාර සහ ෆේස් පැක් භාවිත කිරීම නයිසාගේ දිනචරියාවේ කොටසක් බවද කාජල් වැඩිදුරටත් සඳහන් කර ඇත. කටකතා කෙසේ වෙතත්, සිනමා ක්ෂේත්රයට පිවිසීමට පෙර සිටම නයිසා දේව්ගන් මේ වන විටත් බොහෝ රසිකයින්ගේ අවධානය දිනා ගැනීමට සමත්ව සිටියි.
