පවුලේ වගකීම් සහ මානව සබඳතා තේමා කරගනිමින් නිර්මාණය වන ‘KOල්Leක්’ චිත්රපටය මේ දිනවල පිළියන්දල, මඩපාත ප්රදේශයේදී රූගත කිරීම් සිදු කෙරේ. තරුණ අධ්යක්ෂ ඉසුරු ගුණතිලකගේ දෙවැනි සිනමා නිර්මාණය වන මෙය, දිදුල ඉඳුවරගේ සංකල්පයකට අනුව තිරගත වේ.
මෙම චිත්රපටයේ ප්රධාන චරිත සඳහා හේමාල් රණසිංහ සහ තරින්දි ප්රනාන්දු එක්වන අතර, සනත් ගුණතිලක, උමාලි තිලකරත්න, ශ්යාම් ප්රනාන්දු සහ සේමිණි ඉද්දමල්ගොඩ ඇතුළු ප්රවීණ රංගන ශිල්පීන් රැසක් මෙහි දායකත්වය සපයයි. පවුලේ කතාවක් ලෙස නිර්මාණය වන මෙය නාට්යමය සහ ආදරණීය අංගයන්ගෙන් සමන්විත වේ.
චිත්රපටයේ කැමරා අධ්යක්ෂණය මධුනි අලහකෝන් විසින් සිදු කරන අතර, සංගීත අධ්යක්ෂණය තිළිණ බොරලැස්සගේ දායකත්වයෙන් සිදුවේ. Luxuriate Productions ආයතනය විසින් නිෂ්පාදනය කරනු ලබන මෙම නිර්මාණය, නවීන තාක්ෂණික ක්රමවේදයන් භාවිත කරමින් සජීවී රූගත කිරීම්වලින් සමන්විත වීම විශේෂත්වයකි.
නිෂ්පාදන කණ්ඩායම පවසන පරිදි, මෙය සමාජයට වැදගත් පණිවුඩයක් රැගත් නිර්මාණයක් වනු ඇත. ඉදිරියේදී සිනමා ශාලා ඔස්සේ ප්රේක්ෂකයන්ට නැරඹිය හැකි මෙම චිත්රපටයේ රූගත කිරීම් මේ වන විට අවසන් අදියරේ පවතී.
