ආරක්ෂක නියෝජ්ය අමාත්ය විශ්රාමික මේජර් ජෙනරාල් අරුණ ජයසේකර මහතාගේ සහභාගීත්වයෙන් පසුගියදා කොළඹ සහ හලාවත, පඹල ප්රදේශවලදී මහජන දින වැඩසටහන් දෙකක් සාර්ථකව පවත්වා තිබේ.
කොළඹ පිහිටි නියෝජ්ය අමාත්යවරයාගේ කාර්යාලයේදී පැවැති පළමු වැඩසටහනේදී ත්රිවිධ හමුදා සාමාජිකයින්ගේ පවුල්වල උදවියට, විශ්රාමිකයන්ට සහ සාමාන්ය ජනතාවට තම ගැටලු සෘජුවම අමාත්යවරයා වෙත ඉදිරිපත් කිරීමට අවස්ථාව හිමි විය.
මෙම අවස්ථාවලදී ඉඩම් ගැටලු, විශ්රාම වැටුප්, වන්දි ලබාගැනීම, සුබසාධන කටයුතු සහ රැකියා ඇතුළු පරිපාලනමය කරුණු රැසක් පිළිබඳව දීර්ඝ වශයෙන් සාකච්ඡා කෙරිණි.
හලාවත, පඹල ප්රදේශයේ පැවැති වැඩසටහන මගින් රජයේ මහජන සේවාවන් ප්රාදේශීය ජනතාවට සමීප කරවීම අරමුණු කරගත් අතර, ඒ සඳහා පුත්තලම දිස්ත්රික් පාර්ලිමේන්තු මන්ත්රීවරුන් වන ගයාන් ජනක සහ හිරුණි විජේසිංහ යන මහත්ම මහත්මීන් ඇතුළු දේශපාලන නියෝජිතයින් පිරිසක් එක්ව සිටියහ.
ජනතාව ඉදිරිපත් කළ ගැටලු ඉතා ඕනෑකමින් සවන් දුන් නියෝජ්ය අමාත්යවරයා, අදාළ නිලධාරීන්ට උපදෙස් ලබා දුන්නේ නීතිමය සහ පරිපාලනමය රාමුව තුළ සිටිමින් එම ගැටලුවලට කඩිනම් විසඳුම් ලබා දෙන ලෙසයි.
මහජන සේවාවන් වඩාත් කාර්යක්ෂම, විනිවිදභාවයෙන් යුත් සහ ජනතා කේන්ද්රීය සේවාවක් ලෙස පවත්වාගෙන යාමේ වැදගත්කම මෙහිදී අමාත්යවරයා විසින් අවධාරණය කරන ලදී.
