ජනප්රිය ගායන ශිල්පිනී අභිෂේකා විමලවීර සිය ෆේස්බුක් ගිණුමෙහි තබා ඇති නවතම සටහනක් මේ වන විට සමාජ මාධ්ය තුළ කතාබහට ලක්ව තිබේ. ඇය එහිදී සිය අතීත ආදර සම්බන්ධතාවයක අවසානය සහ ඒ පිළිබඳව තමා තුළ ඉතිරිව ඇති හැඟීම් ඉතා සංවේදී ලෙස විස්තර කර ඇත.
තම ආදර කතාව නිසි සමුගැනීමකින් තොරව අවසන් වීම පිළිබඳව අදහස් දක්වන ඇය, එම සම්බන්ධතාවයට තිත තැබීමට තමාට දැඩි අවශ්යතාවයක් තිබූ බව පවසයි. “හරියට සමුගැනීමක්වත් තිබුණෙ නැති අපේ ආදර කතාවට ඔබේ ඇස් දිහා බලාගෙන සමාප්තියක් දෙන්න මට ලොකූ ආසාවක් තිබුණා” යනුවෙන් ඇය එහි සඳහන් කර තිබේ.
කාලයත් සමඟ අතීත මතකයන් වියැකී යන ආකාරය සහ හැඟීම් වෙනස් වන අයුරු ඇය සිය සටහනින් මැනවින් විදහා දක්වයි. වසර ගණනාවකට පෙර තමා තුළ පැවති ආදරණීය හැඟීම් අද වන විට වෙනස් වී ඇති බවත්, එම මතකයන් දැන් තමාට පැහැදිලිව සිහිපත් කළ හැකි බවත් ඇය පෙන්වා දෙයි.
තවද, අතීතයේ තමා ආදරය කළ පුද්ගලයා සමඟ පැවති සම්බන්ධතාවය අවසන් කර දැමීමෙන් පසු, නැවතත් ආදරය කිරීමට තමාට හැකි වූ බවත් ඇය සිය හිතවතුන් සමඟ කළ සංවාදයකදී හෙළි කර ඇත. අභිෂේකාගේ මෙම අව්යාජ සහ සංවේදී සටහන රසිකයන් අතර විශාල අවධානයක් දිනා ගැනීමට සමත්ව තිබේ.
