2026 FIFA ලෝක කුසලාන පාපන්දු තරගාවලියේ අවසන් මහා තරගයේදී ආර්ජන්ටිනාව පරදා ගෝල 1-0ක තියුණු ජයක් වාර්තා කිරීමට ස්පාඤ්ඤය සමත් විය. මෙම ජයග්රහණයත් සමඟ වසර 16කට පසු ස්පාඤ්ඤය ලෝක පාපන්දු කිරුළ තමන් සතු කර ගත්තේය.
තරගයේ නියමිත කාලය අවසන් වන විට දෙපිලම ගෝල ලබා ගැනීමට අපොහොසත් වීම හේතුවෙන් තරගය අතිරේක කාලයට යොමු කෙරිණි. එහිදී 106 වන මිනිත්තුවේදී ස්පාඤ්ඤ ක්රීඩක ෆෙරෑන් ටොරස් වාර්තා කළ විශිෂ්ට ගෝලය තරගයේ ජයග්රහණය තීරණය කළේය.
මෙම තරගයේදී ආර්ජන්ටිනා කණ්ඩායමට දැඩි බලපෑමක් එල්ල වූයේ දෙවන අර්ධයේ අතිරේක කාලයේදී එන්සෝ ෆර්නැන්ඩස් රතු කාඩ්පතක් ලබා පිටියෙන් ඉවත් කිරීම හේතුවෙනි. ක්රීඩකයින් 10 දෙනෙකුගෙන් තරග කිරීමට සිදුවීම ආර්ජන්ටිනාවේ පරාජයට ප්රධාන හේතුවක් විය.
තරගය අවසානයේ ලයනල් මෙසී කඳුළු සලමින් අනුශූරතා පදක්කම ලබා ගත්තේය. ස්පාඤ්ඤය සිය ඉතිහාසයේ ලෝක කුසලානයක් දිනාගත් දෙවන අවස්ථාව මෙය වන අතර, ඔවුන් යුරෝපීය ශූරතාව සහ ලෝක කුසලානය යන දෙකම හිමිකරගත් කණ්ඩායමක් ලෙස ඉතිහාසයට එක්විය.
