වයස අවුරුදු 75ක් වුවත් කිසිදු පසුබෑමකින් තොරව ඉතා ක්රියාශීලීව යෝගා අභ්යාසවල නිරත වන ඉන්දීය මිත්තණියක පිළිබඳ තොරතුරු මේ වන විට අන්තර්ජාලය ඔස්සේ සංසරණය වෙමින් පවතී. ඇයගේ මිනිබිරිය වන වෛද්ය සිම්රන් මුනෝට් විසින් සමාජ මාධ්ය වෙත එක්කර තිබූ මෙම වීඩියෝව බොහෝ දෙනෙකුගේ අවධානය දිනා ගැනීමට සමත් විය.
සැමියාගේ වියෝවෙන් පසු ඇති වූ තනිකම සහ නිහඬ බව හමුවේ ඇය යෝගා අභ්යාස කෙරෙහි යොමුව තිබේ. රූපවාහිනියෙන් දුටු ඉරියව් අනුගමනය කරමින් ආරම්භ කළ මෙම පුරුද්ද, අද වන විට ඇයගේ ජීවිතයේ අනිවාර්ය අංගයක් බවට පත්ව ඇත. ඇය දිනකට දෙවරක් යෝගා අභ්යාසවල නිරත වන අතර අලුයම 4ට අවදි වී ඇවිදීමේ ව්යායාමවලද නිරත වේ.
තම බර කිලෝග්රෑම් 50ක මට්ටමේ පවත්වා ගැනීමටත්, නිවසේ සියලුම දෛනික කටයුතු තනිවම කර ගැනීමටත් ඇය සමත් වී සිටී. විශේෂ ජිම් මධ්යස්ථාන හෝ අතිරේක ආහාර අවශ්යතාවයකින් තොරව, විනයගරුක ජීවන රටාවක් තුළින් තමන් මෙම යහපත් සෞඛ්ය තත්ත්වය පවත්වා ගන්නා බව ඇය පවසයි.
“අත් කාර්යබහුලව තබා ගැනීම මනස සන්සුන්ව තබා ගැනීමට උපකාරී වෙනවා. සෑම උදෑසනකම අලුත් දෙයක් ඉගෙන ගැනීමට මම තවමත් උනන්දුවෙන් අවදි වෙනවා,” යනුවෙන් ඇය සිය අත්දැකීම් බෙදා ගනිමින් පවසන්නීය. වයස යනු හුදෙක් ඉලක්කමක් පමණක් බව ඔප්පු කරමින් ඇය අදටත් ඉතා ක්රියාශීලී ජීවිතයක් ගත කිරීම බොහෝ දෙනාට ආදර්ශයක් වී තිබේ.
