ශ්රී ලංකා යුද්ධ හමුදාධිපති ලුතිනන් ජෙනරාල් නිලන්ත ප්රේමරත්න මහතා පසුගියදා ගිරිතලේ, සරණසිරිගම පිහිටි දිවංගත කෝප්රල් එස්.වී.ඒ.එම්. පුෂ්පමාල් රණවිරුවාගේ නිවස වෙත ගොස් ඔහුගේ මව්පියන් හමුවී ගෞරවය පුද කළේය.
2 වන කමාන්ඩෝ රෙජිමේන්තුවට අයත් කෝප්රල් පුෂ්පමාල්, 2009 අප්රේල් 21 වන දින පුදුමාතලන් ප්රදේශයේ පැවති මානුෂීය මෙහෙයුමකදී සිවිල් වැසියන් බේරා ගැනීමේ උත්සාහයක නිරතව සිටියදී මාතෘභූමිය වෙනුවෙන් සිය ජීවිතය පරිත්යාග කළේය.
සිය ජීවිතයේ 22 වන වියේ පසු වූ මෙම රණවිරුවා දැක්වූ අසමසම වීරත්වය සහ කැපවීම අගයමින් ඔහුට ශ්රී ලංකාවේ ඉහළම වීර වික්රම සම්මානය වන පරම වීර විභූෂණ සම්මානය මරණින් පසු පිරිනමන ලදී. මීට අමතරව ඔහු පූර්ණ භූමි පදක්කමෙන් ද පිදුම් ලබා ඇත.
මෙම සංචාරයේදී යුද්ධ හමුදාධිපතිවරයා දිවංගත රණවිරුවාගේ පියා වන එස්.වී.ජී. විජේරත්න මහතා සහ මව වන කේ.වී. අමරාවතී මැණිකේ මහත්මිය හමුවී ඔවුන්ගේ දුක බෙදාගත් අතර, ඔවුන් වෙත මූල්යමය පරිත්යාගයක් ද සිදු කරන ලදී.
