මහනුවර ඓතිහාසික ශ්රී දළදා මාලිගාවේ වාර්ෂික ඇසළ පෙරහැර මංගල්යයේ අවසන් මහා රන්දෝලි පෙරහැර අද (27) රාත්රියේ අති උත්කර්ෂවත් අයුරින් වීථි සංචාරය කෙරිණි.
මෙම සංස්කෘතික මංගල්යය නැරඹීම සඳහා ජනාධිපති අනුර කුමාර දිසානායක මහතා ඇතුළු විශාල පිරිසක් එක්ව සිටියහ.
මෙම අවස්ථාව සඳහා බුද්ධශාසන, ආගමික සහ සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි, කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී. ලාල්කාන්ත යන මහත්වරුන් සහ මධ්යම පළාත් ආණ්ඩුකාර විශේෂඥ වෛද්ය හර්ෂ සුරංග මහතා ද සහභාගී වූහ.
එමෙන්ම ආරක්ෂක අමාත්යාංශයේ ලේකම් එයාර් වයිස් මාර්ෂල් (විශ්රාමික) සම්පත් තුයියකොන්තා, පොලිස්පති නීතිඥ ප්රියන්ත වීරසූරිය යන මහත්වරුන් ඇතුළු ආරක්ෂක අංශ ජ්යෙෂ්ඨ නිලධාරීන් සහ විදෙස් තානාපතිවරුන් රැසක් ද මෙම අවස්ථාවට එක්ව සිටීම විශේෂත්වයකි.
